رۇجۇئ

چاغاتاي دەۋرى ئۇيغۇر سۆزلۈكلىرى ئەرەبچە قايتىش: مۇراجىئەت قىلماق؛ يۈكلىمەك. تاپشۇرماق. 1. خەلايىق ئۆيىگە رۇجۇئ ئەيلەدى، رۇجۇئ ئەيلەمەككە شۇرۇئ ئەيلەدى. ئا. نىزارى، ن. زىيائى. ئەدەبىيات ئاتالغۇلىرى (ئەرەبچە ر جوغ - قايتىش سۆزىدىن ) شائىر بەزىدە كىشى ياكى نەرسە، ھادىسىنى دەسلەپ خىيالىغا كەلگەن مەلۇم ئوبرازلىق ئىپادىلەر بىلەن تەسۋىرلەپ، ئەينى زاماندا پوئېتىك ئىپادە ۋە ئېستېتىك تەسىرنى كۈچەيتىش نىيىتىدە ئاۋۋالقىدىن كۈچلۈك سۆز - ئوبراز يارىتىدۇ ۋە بۇنى ئىلگىرىكىسىدىن كېچىش ياكى قايتىش يولى بىلەن بېرىدۇ، بۇنداق شەكىل ئەدەبىياتشۇناسلىقتا «رۇجۇئ» دېيىلگەن. مەسىلەن: بۇ دۇررى نوياپ ۋەفامۇ ئىكەن، گەر ئول ئەمەس، مېھرى گىيامۇ ئىكەن؟ مېھرى گىيا دېمەككى، ئەنقادۇر ئول، جەۋھەرى فەردۇ، دۇرى يەكتەدۇر ئول. (ناۋايى: «مەھبۇبۇل قۇلۇب») ئەزىم ئەيلە سەبا ئول گۈلى خەندانىمگە، نە گۈلكى قۇياشتەك، ماھى تابانىمىگە. (بابىر) كلاسسىك ئەدەبىيات سۆزلۈكلىرى ئەرەبچە قايتىش؛ ئۆتۈنچ، مۇراجىئەت، ئىلتىماس؛ يۈكلەش، تاپشۇرۇش: رۇجۇئ ئەيلىمەك - قايتماق؛ ئۆتۈنمەك؛ يۈكلىمەك، تاپشۇرماق.