قاپارتما سۈرەت

ياپونىيەنىڭ ئېدو دەۋرىدىكى خەلق ئارىسىدا شەكىللەنگەن سۈرەت. ئەڭ دەسلەپ ھېكايىلەرنىڭ قىستۇرما سۈرىتى بولۇپ، ياغاچقا ئۇيۇلغان، كېيىن ئاددىي خەلقنىڭ تۇرمۇشىنى ئەكس ئەتتۈرىدىغان سۈرەتكە ئايلىنىپ، مەنزىرىلەر، ئۆرپ - ئادەتلەر، ئادەملەر، تىياتىرلار ۋە تارىخىي ھېكايىلەر تەسۋىرلەنگەن، ئۇنى سودىگەرلەر ۋە باشقا ئوتتۇرا، تۆۋەن قاتلامدىكىلەر ياقتۇرغان، بۇنداق سۈرەتلەر ئويما رەسىم قىلىپ ئويۇلۇپ، قارا ياكى قىزىل رەڭلىكتىن خىلمۇخىل رەڭلىككە ئايلاندۇرۇلغان، بەزىلىرى نەچچە ئون پارچىسى چېتىلىپ، چوڭ بىر توپلامنى شەكىللەندۈرگەن. بۇنداق سۈرەتچىلىككە خىشىكاۋا مورونوبو (1618 - 1694) ئاساس سالغان، بۇ ئېقىمدىكى داڭلىق رەسساملاردىن تورىئى، سۇزۇكى، كىتاۋا، توسۇ قاتارلىقلار بار.