نىمفا

بىئولوگىيە تولۇقسىز ھالەت ئۆزگەرتىدىغان ھاشاراتلارنىڭ بالا تەنچىسىنىڭ بىر خىل تىپى. مورفولوگىيىسى ۋە ياشاش ئادىتى يېتىلگەن قۇرتنىڭكىگە ئاساسەن ئوخشاش. مۇرەككەپ كۆزى، ئېغىز ئاپپاراتلىرىنىڭ تىپىمۇ يېتىلگەن قۇرتنىڭكىگە ئوخشايدۇ. پەقەت ئىندىۋىدى كىچىكرەك، ئايرىم ئورگانلىرىنىڭ نىسبىتى باشقىچە، قانىتىنىڭ يېتىلىشى مۇكەممەل ئەمەس، سەل چوڭايغان، تۈلەش دەۋرىدە قانات بىخى ياكى قانات قېپى بولىدۇ، كۆپىيىش ئورگىنى، سىرتقى كۆپىيىش ئورگىنى تېخى يېتىلمىگەن بولىدۇ. ھەربىر تۈلىگەندىن كېيىن قانىتى ۋە كۆپىيىش ئورگىنى تېخى يېتىلمىگەن بولىدۇ. ھەربىر تۈلىگەندىن كېيىن قانىتى ۋە كۆپىيىش ئورگىنى تەدرىجىي يېتىلىپ ئۆسۈپ بارىدۇ. ئىچكى ئورگانلىرى ۋە توقۇلمىلىرىدا پارچىلىنىش ۋە ئۆزگىرىپ شەكىللىنىش ھادىسىسى كۆرۈلمەيدۇ، ئەڭ ئاخىرقى بىر قېتىملىق تۈلەشتىن كېيىنلا بىۋاسىتە يېتىلگەن قۇرتقا ئايلىنىدۇ. مەسىلەن، پىيادە چېكەتكە چېكەتكىنىڭ نىمفاسىدۇر.