UyghurMain Dictionary
نازارەت قىلىپ باشقۇرۇش تەرتىپىنى بۇزۇش جىنايىتى
جىنايەت ۋە جازا
بۇ - قانۇن بويىچە قاماققا ئېلىنغان جىنايەتچىلەرنىڭ نازارەت قىلىپ باشقۇرغۇچى خادىملارنى ئۇرۇش، توپلىشىپ جېدەل چىقىرىش، نازارەت قىلىپ باشقۇرۇلۇۋاتقانلارنى ئۇرۇش ۋە ئۇلارغا تەن جازاسى بېرىش ۋە نازارەت قىلىپ باشقۇرۇلۇۋاتقانلارنى نازارەت قىلىپ باشقۇرۇش تەرتىپىنى بۇزۇشقا ئۇيۇشتۇرۇش قىلمىشىنى كۆرسىتىدۇ.
1. ئوبېيكتى - ئەمگەك بىلەن ئۆزگەرتىپ نازارەت قىلىپ ئورگانلارنىڭ نورمال باشقۇرۇش تەرتىپى بولىدۇ.
2. ئوبيېكتىپ جەھەتتە تۆۋەندىكى تۆت خىل شەكىلدە ئىپادىلىنىدۇ: بىرىنچى، نازارەت قىلىپ باشقۇرغۇچى خادىملارنى ئۇرۇش؛ ئىككىنچى، نازارەت قىلىپ باشقۇرۇلۇۋاتقانلارنى نازارەت قىلىپ باشقۇرۇش تەرتىپىنى بۇزۇشقا ئۇيۇشتۇرۇش؛ ئۈچىنچى، توپلىشىپ جېدەل چىقىرىپ، نورمال نازارەت قىلىپ باشقۇرۇش تەرتىپىنى بۇزۇش؛ تۆتىنچى، نازارەت قىلىپ باشقۇرۇلۇۋاتقانلارنى ئۇرۇش، ئۇلارغا تەن جازاسى بېرىش ياكى باشقىلارنى نازارەت قىلىپ باشقۇرۇلۇۋاتقانلارنى ئۇرۇشقا، تەن جازاسى بېرىشكە كۈشكۈرتۈش.
3. سۇبيېكتى - ئالاھىدە سۇبيېكت بولىدۇ، يەنى قاماققا (تۈرمىگە) ئېلىنغان جىنايەتچىلەر بولىدۇ.
4. سۇبيېكتىپ جەھەتتە قەستەنلىكتىن شەكىللىنىدۇ.
315 - ماددا قانۇن بويىچە قاماققا ئېلىنغان جىنايەتچىلەردىن نازارەت قىلىپ باشقۇرۇش تەرتىپىنى بۇزىدىغان تۆۋەندىكى قىلمىشلارنىڭ بىرىنى سادىر قىلغان ۋە قىلمىشى ئېغىر بولغانلىرىغا ئۈچ يىلدىن تۆۋەن مۇددەتلىك قاماق جازاسى بېرىلىدۇ:
(1) نازارەت قىلىپ باشقۇرۇغۇچى خادىملارنى ئۇرغانلار؛
(2) نازارەت قىلىپ باشقۇرۇلۇۋاتقانلارنى نازارەت قىلىپ باشقۇرۇش تەرتىپىنى بۇزۇشقا ئۇيۇشتۇرغانلار؛
(3) توپلىشىپ جېدەل چىقىرىپ، نورمال نازارەت قىلىپ باشقۇرۇش تەرتىپىنى قالايمىقانلاشتۇرغانلار؛
(4) نازارەت قىلىپ باشقۇرۇلۇۋاتقانلارنى ئۇرغان ۋە ئۇلارغا تەن جازاسى بەرگەنلەر ياكى باشقىلارنى شۇنداق قىلىشقا كۈشكۈرتكەنلەر.
جىنايەت ۋە جازا
بۇ - قانۇن بويىچە قاماققا ئېلىنغان قاماققا ئېلىنغان جىنايەتچىلەر، جاۋابكارلار ۋە جىنايەت گۇماندارلىرىنىڭ قامالغان، نازارەت قىلىپ باشقۇرۇلۇۋاتقان ئورۇنلاردىن قېچىپ كېتىش قىلمىشىنى كۆرسىتىدۇ.
1. ئوبېيكتى - ئەدلىيە ئورگانلىرىنىڭ نورمال باشقۇرۇش پائالىيىتى بولىدۇ.
2. ئوبيېكتىپ جەھەتتە قىلمىش سادىر قىلغۇچى قامىلىپ تۇرۇۋاتقان ئورۇنلاردىن قاچقان قىلمىش بولۇپ ئىپادىلىنىدۇ.
3. سۇبيېكتى - ئالاھىدە سۇبيېكت بولىدۇ، پەقەت قاماپ تۇرۇلغان جىنايەتچىلەر، جاۋابكارلار، جىنايەت گۇماندارلىرىلا بولىدۇ.
4. سۇبيېكتىپ جەھەتتە قەستەنلىكتىن شەكىللىنىدۇ، يەنى داۋاملىق قامىلىپ تۇرۇش ۋە ئۆزگەرتىلىشتىن ئۆزىنى قاچۇرۇشنى مەقسەت قىلىدۇ.
316 - ماددا 1 - تارماق قانۇن بويىچە قاماققا ئېلىنغان جىنايەتچىلەر، جاۋابكارلار ۋە جىنايەت گۇماندارلىرىدىن قېچىپ كەتكەنلىرىگە بەش يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى بېرىلىدۇ.
جۇڭخۇا خەلق جۇمھۇرىيىتىنىڭ تۈرمە قانۇنى
(1994 - يىلى 12 - ئاينىڭ 29 - كۈنى)
59 - ماددا جىنايەتچى جازا ئۆتەۋاتقان مەزگىلدە قەستەن جىنايەت ئۆتكۈزسە، قانۇن بويىچە ئېغىر جازا بېرىلىدۇ.
