كۈشەردى

تۈركىي تىللار دىۋانى سۆزلۈكلىرى كۆل كۈشەردى _ كۆل توشۇپ كەتتى، تېشىپ كەتكۈدەك تولدى ( كۈشەرۈر _ كۈشەرمەك). شېئىردا مۇنداق كەلگەن: ئالىن تۆپۈ ياشاردى ئۇرۇت ئوتىن ياشۇردى كۆلنىڭ سۇۋىن كۈشەردى سىغىر بۇقا مۆڭرەشۈر «تاغ تۆپىسى ياشاردى، قۇرۇق ئوتنى يوشۇردى، كۆل سۈيىنى تاشۇردى، سىيىر، بۇقا مۆرىشۇر.» باھار تەسۋىرلىنىپ مۇنداق دېيىلگەن: تاغ تۆپىلىرى (چوققىلىرى) يېڭى ئۆسۈملۈك بىلەن ياپ - يېشىل بولۇپ كەتتى؛ قۇرۇق ئوتلارنى ياش ئوتلار قاپلاپ كەتتى؛ كۆللەرنىڭ سۇلىرى تېشىپ كەتكۈدەك دەرىجىدە تولۇپ كەتتى؛ سىيىر (ئىنەك)، بۇقىلار سۆيۈنۈشۈپ مۆرەشمەكتە. قاچىدىكى سۇ لېۋىگىچە تولۇپ، تېشىپ كېتىش دەرىجىسىگە يەتسىمۇ، « كۈشەردى» دېيىلىدۇ. 2 - 104