كۆپ شەكىللىك قىزىل داغ

سەۋەبى: بۇ كېسەللىك، سەپراغا ئارىلاشقان قويۇق بەلغەم خىلىتى ياكى ئوفۇنەتلەنگەن قان خىلىتىنىڭ تېرە ئاستى بەزلىرى ۋە قان تومۇرلارغا تەسىر قىلىپ چۆكمىگە چۈشۈشى ھەم غىدىقلىشى سەۋەبىدىن كېلىپ چىقىدۇ. ئالامىتى: چوڭ - كىچىكلىكى ئوخشاش بولمىغان قىزىل داغلار تېرىدىن كۆتۈرۈلۈپ چىقىش، قاتتىق قىچىشىش ۋە ئېچىشىش قاتارلىق ئالامەتلەر بىلەن ئىپادىلىنىدۇ. 1 - رېتسېپ 】تەركىبى【 سېرىق ھېلىلە پوستى، كابۇل ھېلىلىسى پوستى، قارا ھېلىلە 15 گرامدىن، سەبرە سۇقۇترى 21 گرام، سوقمۇنىيا سەككىز گرام، شاھتەررە 100 گرام، قىزىلگۈل سەككىز گرام، سانا ئالتە گرام. 】تەييارلاش ئۇسۇلى【 دورىلارنى يۇمشاق سوقۇپ، ئەلگەكتىن ئۆتكۈزۈپ، ئەرىقى شاھتەررە بىلەن ئارىلاشتۇرۇپ، پۇرچاقتەك چوڭلۇقتا كۇمىلاچ تەييارلىنىدۇ. 】ئىشلىتىش مىقدارى【 كۈنىگە بىر قېتىم، ھەر قېتىمدا 4 ~ 7 تالدىن ئىستېمال قىلىنىدۇ.

】تەركىبى【 ئۇد ھىندى، دارچىن، بەسباسە، سۇمبۇل، ئاسارۇن، قەلەمپۇر، سۆرۈنجان مىسىرى، خولىنجان، سۆئدى كۇپى، پىلپىل، زەپەر، كۇندۇر، زەنجىۋىل، سەۋزە ئۇرۇقى، بوزىدان، جويۇز، شاقاقۇل، جۇۋىنە، كابۇل ھېلىلىسى پوستى، قارا ھېلىلە، سېرىق ھېلىلە پوستى، ئامىلە، بەدىيان 10 گرامدىن، چۆپچىنى 30 گرام، ھەسەل ئۈچ ھەسسە. 】تەييارلاش ئۇسۇلى【 دورىلارنى يۇمشاق سوقۇپ، ئەلگەكتىن ئۆتكۈزۈپ، ئېرىتىلگەن ھەسەل بىلەن ئارىلاشتۇرۇپ مەجۈن تەييارلىنىدۇ. 】ئىشلىتىش مىقدارى【 كۈنىگە ئۈچ قېتىم، ھەر قېتىمدا تۆت گرامدىن ئىستېمال قىلىنىدۇ. 3 - رېتسېپ 】تەركىبى【 كاسىنە بىر كىلوگرام، سۇ ئالتە كىلوگرام. 】تەييارلاش ئۇسۇلى【 كاسىنىنى تازىلاپ، پار قازىنىغا سېلىپ قاينىتىپ پارلاندۇرۇپ ئەرەق تەييارلىنىدۇ. 】ئىشلىتىش مىقدارى【 كۈنىگە ئۈچ قېتىم، ھەر قېتىمدا 10 ~ 50 گرامدىن ئىچىلىدۇ.