ھېسسىيات

پسىخولوگىيە بۇ كىشىنىڭ ئوبيېكتىپ شەيئىگە بولغان پوزىتسىيە تۇيغۇسىدىن، يەنى كىشىنىڭ كۆز ئالدىدىكى شەيئى بىلەن ئۇ كىشىدە ئىلگىرى شەكىللەنگن ئىدىيىۋى ئاڭ (ئېھتىياج، پوزىتسىيە، چۈشەنچە، ئېتىقاد ۋە ئادەتلەرنىمۇ ئۆز ئىچىگە ئالىدۇ) ئارىسىدا پەيدا بولغان مۇناسىۋەت ۋە بۇ مۇناسىۋەت توغرىسىدىكى شەخسى تۇيغۇ ياكى ئىنكاستىن ئىبارەت. بۇ خىل شەخسى تۇيغۇنى پەيدا قىلغان پسىخىك جەريان ھېسسىيات جەريانىدۇر. كىشىدە بەزى شەيئىلەرگە نىسبەتەن قارشى ئېلىش ياكى شۇنىڭغا ئىنتىلىش پوزىتسىيىسى بولسا، ئۇنىڭ بىلەن ئۇچرىشىش جەريانىدا ئۇنى ياخشى كۆرۈش، خوشاللىق قاتارلىق مۇئەييەنلەشتۈرۈش خاراكتېرلىك ھېسسىيات تۇيغۇسى ھاسىل بولىدۇ. ئەكسىچە بولغاندا، ئۇنىڭغا نىسبەتەن قارشىلىق ياكى رەت قىلىش پوزىتسىيىسى پەيدسا بولىدۇ. بۇ خىل شەيئىلەرگە ئۇچرىشىش جەريانىدا نەپرەتلىنىش، ھەسرەتلىنىش قاتارلىق ئىنكارىي كەيپىيات تۇيغۇسى ھاسىل بولىدۇ. دېمەك، ھېسسىيات بىلىش جەريانىغا ئوخشىمايدۇ. بىلىش جەريانىدا ئەكس ئەتكىنى شەيئىنىڭ ئوبيېكتىپ خۇسۇسىيىتى، ھېسسىيات مەلۇم شەيئى پەيدا قىلغان سۇبيېكتىپ تۇيغۇ. تۇيغۇ ھېسسىياتنىڭ ئاساسىي خۇسۇسىيىتى، تۇيغۇنىڭ پەيدا بولۇشى كىشىنىڭ شەيئىگە تۇتقان پوزىتسىيىسى، ئېھتىياجى ۋە ئۇ شەيئىگە بەرگەن باھاسى بىلەن باغلىنىشلىق. ئوخشاش بىر شەيئىگە قارىتا كىشىلەرنىڭ تۇتقان پوزىتسىيىسى ۋە باھاسى ئوخشاش بولمىغانلىقتىن، پەيدا بولغان ھېسسىياتمۇ ئوخشىمايدۇ. ئۇيغۇر تىلى ئۇنۋېرسال سۆزلۈكلەر ئىسىم ئەرەبچە پسىخولوگىيە تاشقى تەسىرگە بولغان بىر قەدەر كۈچلۈك پىسخىك ئىنكاس . ھېسىياتى قوزغالماق. ھېسسىياتى ئىپادىلەنمەك. ھېسسىياتقا بېرىلمەك .