亨利八世

دىن hēng lì bā shì 伊 ئىسلام دىنى ھېنرى Ⅷ دۇنيا تارىخى ھېنرىي Ⅷ (1491 - 1547) ئەنگلىيە تۇدور خاندانلىقىنىڭ كورۇلى (1509 - 1547). ئەنگلىيە كورۇلى ھېنرىي Ⅶ نىڭ ئوغلى. تەختتىكى مەزگىلىدە مۇستەبىت مۇنارخىيىلىك ھوقۇقىنى مۇستەھكەملەش ۋە دۆلەت خەزىنىسىنىڭ مالىيە مەنبەسىنى كېڭەيتىش ئۈچۈن، پاپا ئۇنىڭ خانىكە ئىسپانىيە مەلىكىسى كاتېرىنا بىلەن نىكاھتىن ئايرىلىشىغا رۇخسەت قىلمىدى دېگەننى باھانە قىلىپ، 1534 - يىلى پارلامېنتقا <ھۆرمەت قانۇن لايىھىسى> نى ماقۇللىتىپ، پاپا بىلەن ئادا - جۇدا بولۇپ، يۇقىرىدىن تۆۋەنگە قارىتا دىنىي ئىسلاھاتنى يولغا قويۇپ، ئەنگلىيە دۆلەت دىنىنى بەرپا قىلغان. ئەنگلىيە خىيالىي سوتسىيالىستى توماس مور ئۇنىڭ دىنىي سىياسىتىگە قوشۇلمىغانلىقتىن، 1535 - يىلى ئۆلتۈرۈلگەنىدى. 1536 - يىلى ۋە 1539 - يىللىرى ئۇدا پەرمان چىقىرىپ موناستىرلارنى تاقاپ، ئۇنىڭ مال - مۈلۈكلىرىنى مۇسادىرە قىلغان، ئارقىدىن بۇنىڭ كۆپ قىسمىنى ئەتىۋارلىق ۋەزىرلىرىگە ئىنئام قىلىپ بەرگەن ياكى ئەرزان باھادا ئىجارىكەش يېزا ئىگىلىك مەيدانلىرىنىڭ خوجايىنلىرى ۋە سودىگەرلەرگە سېتىپ بەرگەن. بۇ يەرلەنىڭ كۆپ قىسمى كاپىتالىزم شەكلىدىكى ئىگىلىككە ئۆزگەرتىلىپ، دېھقانلارنى يەرلىرىنى تارتىۋېلىش جەريانىنى تېزلەتكەن. 1536 - 1537 - يىللىرى لىنكولى، يوركتىن ئىبارەت ئىككى ۋىلايەتتىكى دېھقانلار ھەمدە كاتولىك روھانىيلىرى ۋە ئاقسۆڭەكلەر بۇنىڭغا قارشى قوزغىلاڭ قىلغان. <ئىلتىجا قىلىپ كورۇل ھۇزۇرىغا بېرىش> قا قاراڭ.