亨利

دۇنيا تارىخى ھېنرىي (1) ھېنرىي (ھۇنتىنگدونلىق، تەخمىنەن 1084 - 1155) ئەنگلىيىلىك تارىخشۇناس. 1110 - يىلى ھۇنتىنگدون (لوندوننىڭ شىمالىي قىسمىدا)نىڭ مۇئاۋىن ئېپىسكوپى بولغان. <ئەنگلىيە تارىخى> ناملىق ئەسىرى بولۇپ، ئۇنىڭغا كائېسار دەۋرىدىن تارتىپ 1154 - يىلدىكى ئەنگلىيە كورۇلى ھېنرىي Ⅱ تەختكە چىققانغا قەدەر بولغان جەمئىي 1200 يىلدىن كۆپرەك ۋاقىت ئىچىدىكى تارىخىي ۋەقەلەرنى بايان قىلغان. شۇڭا بۇ، ئەنگلىيىنىڭ تۇنجى ئومۇمىي تارىخىي ئەسىرى بولۇپ ھېسابلىنىدۇ. (2) ھېنرىخ (ئارسلان، 1127 - 1195) گېرمانىيە ساكسونىيە گېرتسوگى (1139 - 1180) ۋە باۋارىيە گېرتسوگى (1156 - 1180). 1147 - يىلى ئېلبا دەرياسىنىڭ شەرقىي قىرغاقلىرىدا ياشىغۇچى ئوبودرىتلارغا زور كۆلەمدە ھۇجۇم قىلىپ مەغلۇپ بولغان. 1160 - يىلى يەنە بىر قېتىم ھۇجۇم قىلىپ ئۇلارنى بويسۇندۇرۋالغان. 1170 - يىلى بۇ يەردە مېكلېنبۇرگ كىنەزلىكىنى بەرپا قىلغان. كېيىنمۇقەددەس رىم ئىمپېرىيىسى ئىمپېراتورى فرېدرىخ Ⅰ (قىزىل ساقال) غا ھەمكارلىشىپ ئىتالىيىنىڭ شىمالىي قىسمىغا تاجاۋۇز قىلىش ئۈچۈن قوشۇن چىقىرىشنى رەت قىلغانلىقى تۈپەيلىدىن، 1180 - يىلى فېئودال خوجىلىق زېمىنى تارتىۋېلىنىپ، گېرمانىيىدىن قوغلاپ چىقىرىلغان. شۇنىڭدىن ئېتىبارەن ئۇزاق ۋاقىت ئەنگلىيىدە ئولتۇراقلىشىپ قالغان. (3) ھېنرىخ (دېڭىز ساياھەتچىسى، 1394 - 1460). پورتۇگالىيە شاھزادىسى، دېڭىزچىلىق مەكتىپى قۇرۇپ، دېڭىزچىلىق ئىشلىرىنى مۇكاپاتلاپ كەلگەنلىكى ئۈچۈن <دېڭىز ساياھەتچىسى> دەپ نام ئالغان، پورتۇگاللار ئۇنىڭ قوللىشى بىلەن 1433 - يىلى غەربىي ئافرىقىدىكى بولجادور تۇمشۇقى (شىمالىي كەڭلىك 26。15غا جايلاشقان) نى ئايلىنىپ ئۆتۈپ، مادېيرا ئاراللىرى (1456)، ئازور تاقىم ئاراللىرى (1432)، يېشىل تۇمشۇق تاقىم ئاراللىرى (1456) ھەمدە گىۋىنىيە دېڭىز بويى رايونىغا يېتىپ بارغان. 1441 - يىلى پورتۇگاللار تۇنجى قېتىم غەربىي ئافرىقىدىن 10 نەپەر قۇل يۆتكەپ كەلگەن. ئافرىقا نىگېرلىرىغا ئېغىر بالاپىئاپەت ئېلىپ كەلگەن قۇل سودىسى شۇنىڭدىن باشلانغان. (4) پاترىك ھېنرىي (1736 - 1799). ئامېرىكا ئىنقىلابى دەۋرىدىكى لىبېرالىست، ئادۋوكات. ۋىرگىنىيە شتاتىدا دېھقان ئائىلىسىدىن كېلىپ چىققان. ياش ۋاقتىدا دېھقانچىلىق قىلغان، دۇكاندار بولغان، كېيىن قانۇن ئۆگەنگەن. 1760 - يىلى ئادۋوكات بولغان. 1765 - 1774 - يىللىرى ۋىرگىنىيە شتاتلىق پارلامېنتنىڭ ئەزاسى بولغان. 1774 - 1775 - يىللىرى چوڭ قۇرۇقلۇق يىغىنىنىڭ ۋەكىلى بولغان. ئەنگلىيىگە قارشى كۈرەش داۋامىدا نۇرغۇن داڭلىق نۇتۇقلارنى سۆزلىگەن، بۇنىڭ ئىچىدىكى <ئەركىنسىزلىكتىن ئۆلۈم ياخشىراق> دېگەن تەسىرلىك جۈملىسى ئومۇميۈزلۈك ئېغىزدىن - ئېغىزغا كۆچۈپ يۈرگەن. 1775 - 1776 - يىللىرى ۋىرگىنىيە پولكىنىڭ پولكوۋنىكى بولغان. 1776 - 1779 - يىللىرى ۋە 1784 - 1786 - يىللىرى ۋىرگىنىيە شتاتىنىڭ باشلىقى بولغان. ھاياتىنىڭ ئاخىرقى مەزگىلىدە سىياسىي جەھەتتىن مۇتەئەسسىپلىشىشكە يۈزلەنگەن. (5) ھېنرىي (ناۋاررالىق). فرانسىيە كورۇلى <ھېنرىي Ⅳ> نى كۆرسىتىدۇ. دۇنيا يەر - جاي ناملىرى hēng lì خېنلېيDپوچتا - تېلېگراف hēng lì گېنىرىDئۇنىۋېرسال hēng lì ھېنرى، گېنرى 亨利〈新西、加〉 hēng lì خېنلېيDئېلېكترون، ئۇچۇر hēng lì ھېنرى