بۇشېز

دۇنيا تارىخى (1796 - 1865) فرانسىيىلىك سىياسىي ئەرباب، تارىخشۇناس. دەسلەپتە دوختۇرلۇق قىلغان. تىرىلىش مەزگىلىدە كوكسىچىلار پارتىيىسىگە قاتناشقان. 1825 - 1830 - يىللىرى سېن - سىمونىزمچى بولغان. كېيىن خرىستىئان سوتسىيالىزمى مۇتەپەككۇرغا ئايلىنىپ، كاتولىك دىنى بىلەن سوتسىيالىزمنى كېلىشتۈرمەكچى بولغان. دۆلەتنىڭ ياردىمى ئاستىدا ئىشچىلار ئىشلەپچىقىرىش ھەمكارلىق كوپىراتىپىنى قۇرۇش پىلانىنى ئوتتۇرىغا قويغان. <دوكان> ژۇرنىلىنى چىقارغان. 1848-يىلى 5-، 6-ئايلاردا ئاساسىي قانۇن تۈزۈش پارلامېنتىنىڭ رەئىسلىكىگە تەيىنلەنگەن. 1849-يىلىدىن باشلاپ سىياسىي ساھەدىن چېكىنىپ چىققان. 40 توملۇق <فرانسىيە ئىنقىلابىي پارلامېنتىنىڭ تارىخى> دېگەن كىتابنى تۈزۈپ چىققان.