ئومۇرتقا گۆش قورۇمىسى

ئۇيغۇر تائاملىرى قوي گۆشى ئومۇرتقا 500 گرام، تۇز مۇۋاپىق مىقداردا، تېتىتقۇ بىر چىمدىم، ئۇننىڭ قىيامى (ميەنجاڭ) ئازراق، كاۋاۋىچىن ئازراق، پۇرچاق ئۇنى 50 گرام، جاڭيۇ ئازراق، سۇڭپىياز بىر تال، سۇ يېغى 500 گرام (خورايدىغىنى 70 گرام)، تۇخۇم بىر دانە. 1. قوينىڭ ئومۇرتقا گۆشىنىڭ يىپچىلىرىنى ئېلىۋېتىپ، ئۇزۇنلۇقىنى ئۈچ سانتىمېتىر قىلىپ چوڭ - چوڭ قەلەمچە توغرىلىدۇ، سۇڭپىياز، سامساقلار يالپاقلاپ توغرىلىدۇ. 2. توغرالغان گۆشكە تۇز، سوققان كاۋاۋىچىن، تېتىتقۇ، تۇخۇم، چىلىغان پۇرچاق ئۇنى سېلىپ ئارىلاشتۇرۇلىدۇ. 3. يېرىم قاچا شورپىغا چىلىغان پۇرچاق ئۇنى، تۇز، تېتىتقۇ، جاڭيۇ سېلىپ شورپا تەييارلىنىدۇ. 4. قازانغا ياغ قۇيۇپ، 7 دەرىجە قىزىتىپ گۆشنى سېلىپ، ئالتۇن سېرىق رەڭگە كىرگەندە سۈزۈپ ئېلىنىدۇ. 5. قازانغا ياغ قۇيۇپ، سۇڭپىياز، سامساق، ئۇن قىيامى سېلىپ قورۇپ، تەڭشەلگەن شورپىنى تۆكۈپ قاينىتىپ، شورپىسى قويۇقلاشقاندا گۆشنى سېلىپ، ئىككى قېتىم ئۆرۈپلا تەخسىگە ئېلىنىدۇ. ئۇيغۇر تائاملىرى قوي گۆش ئومۇرتقا 280 گرام، كاۋاۋىچىن ئازراق، تۇخۇمنىڭ ئېقى ئىككى دانە، قارىمۇچ ئازراق، پۇرچاق ئۇنى 70 گرام، تۇز مۇۋاپىق مىقداردا، ھۆل مور تۆت تال، تېتىتقۇ بىر چىمدىم، سۇڭپىياز بىر تال، سۇ يېغى 500 گرام (خورايدىغىنى 105 گرام)، سامساق تۆت چىش. 1 . ئومۇرتقا گۆشىنىڭ يىپچىلىرىنى ئېلىۋېتىپ، گۆشنىڭ ئۈستىگە كۇنگۇر شەكلىدە قىيپاچ گۈل چىقىرىپ، ئۇزۇنلۇقى ئالتە سانتىمېتىر كېلىدىغان توم قەلەمچە توغراپ، تەخسىگە تىزىپ، ئۈستىگە تۇز، تېتىتقۇ سېپىپ قويۇلىدۇ، سۇڭپىيازنى قەلەمچە، سامساق نېپىز، يالپاق توغرىلىنىدۇ. 2. تۇخۇمنىڭ ئېقىنى ئارىلاشتۇرۇپ كۆپتۈرۈپ، ئۇنىڭغا چىلىغان پۇرچاق ئۇنى سېلىپ ئارىلاشتۇرۇپ، قويۇق شىرى ياسىلىدۇ. 3. شورپىغا ياكى قايناق سۇغا تۇز، تېتىتقۇ، سوققان قارىمۇچ چىلىغان پۇرچاق ئۇنى سېلىپ ئارىلاشتۇرۇپ، تەڭشەلگەن شورپا تەييار لىنىدۇ. 4. قازانغا ياغ قۇيۇپ بەش دەرىجە قىزىتىپ، گۆشنى قويۇق شىرىگە چىلاپ، ياغقا سېلىپ پىشۇرۇپ ئېلىنىدۇ. 5. قازانغا ئازلا ياغ قۇيۇپ، سۇڭپىياز، سامساق، مورلارنى سېلىپ قورۇپ، تەڭشەلگەن شورپىنى تۆكۈپ، قايناپ چىققاندا پىشۇرۇلغان گۆشنى سېلىپ، ئىككى - ئۈچ قېتىم ئۆرۈپ تەخسىگە ئېلىنىدۇ.