ئەركىن پىكىرلىكلەر پارتىيىسى

دۇنيا تارىخى 自由思想者党 zì yóu sī xiǎng zhě dǎng گېرمانىيە ئەركىن بۇرژۇئا پارتىيىسى. 8418-يىلى تەرەققىيپەرۋەرلەر پارتىيىسىنىڭ قالدۇقى بىلەن مىللىي لىبېرالىستلار پارتيىسىنىڭ سول قانات <ئايرىلغۇچىلار گۇرۇھى> دىن تەركىب تاپقان. ئاساسلىق رەھبىرى گراف شېنىك. فون. ستائۇفېنبېر (1834 - 1901)، رۇدولۇف ۋىرخوۋ (1821 - 1902)، ئېئۇگېن رىچىت (1838 - 1906) قاتارلىقلاردىن ئىبارەت. شەھەردىكى ئوتتۇرا، كىچىك بۇرژۇئازىيە ۋە ئۇلارنىڭ زىيالىيلىرىنىڭ مەنپەئىتىگە ۋەكىللىك قىلغان. گېرمانىيە ئىمپېرىيىسى پارلامېنتىدا دائىم قارشى تۇرۇش پوزىتسىيىسىنى تۇتۇپ، دېھقانچىلىق مەھسۇلاتلىرىدىن ئېلىنىدىغان ئىمپورت بېجىنى تۆۋەنلىتىش، چوڭ بىرلەشمە كارخانىلارنى قۇرۇشنى چەكلەش ۋە ھەربىي خىراجەتنى ئازايتىشنى تەشەببۇس قىلغان. 1893-يىلى نائۇمان (1860 - 1919) ۋە بارت (1894 - 1909) باشچلىقىدىكى <ئەركىن پىكىرلىكلەر ئىتتىپاقى> ۋە ئېئۇگېن رىچت باشچىلىقىدىكى <ئەركىن پىكىرلىكلەر خەلق پارتىيىسى> گە بۆلۈنۈپ كەتكەن. لېكىن ئىككى گۇرۇھنىڭ زور مەسىلىلەردە پرىنسىپاللى ئىختىلاپى بولمىغانلىقتىن، 1910-يىلى يېڭىۋاشتىن بىرلەشكەن ھەمدە <گېرمانىيە خەلق پارتىيىسى> بىلەن بىللە تەرەققىيپەرۋەر خەلق پارتىيىسىنى تەشكىل قىلىپ، بارا - بارا گېرمانىيە مىلتارىزمنى قوغدايدىغان پارتىيىگە ئايلىنىپ قالغان.