خاراكتېرنىڭ ئىرادە ئالاھىدىلىكى

پسىخولوگىيە بۇ مۇرەككەپ خاراكتېرلىك ئالاھىدىلىكىنىڭ بىر تەرىپى بولۇپ، كىشىنىڭ ئۆز ھەرىكىتىنى ئاڭلىق تەڭشەش ئۇسۇلى ۋە سەۋىيىسى جەھەتتىكى شەخسىي خاركتېرلىك ئالاھىدىلىكىدىن ئىبارەت. ئۇ تۆت جەھەتتىن ئىپادىلىنىدۇ: (1) بىر كىشى ھەرىكىتىدە ئېنىق نىشان بولۇشىدا ۋە ھەرىكىتىنى ئىجتىمائىي قېلىپ بىلەن چەكلەشتىكى ئىرادە ئالاھىدىلىكىدە ئىپادىلىنىدۇ. مەسىلەن: مۇستەقىلىچانلىق، مەقسەتلىك، تەشكىلچانلىق، ئىنتىزاملىق، شىجائەتلىك، قارىغۇلۇق، چېچىلاڭغۇلۇق قاتارلىقلار؛ (2) كىشىنىڭ ھەرىكىتىدە، ئاڭلىق تىزگىنلەش سەۋىيىسىدىكى ئىرادە ئالاھىدىلكىدە ئىپادىلىنىدۇ. مەسىلەن: تەشەببۇسكارلىق، ئۆزىنى تۇتۇش كۇچى قاتارلىقلار؛ (3) كىشىنىڭ جىددىي ياكى قىيىن شارائىتتىكى ئىرادە ئالاھىدىلىكىدە ئىپادىلىنىدۇ، مەسىلەن: قەتئىيلىك، كەسكىنلىك، باتۇرلۇق، قەيسەرلىك قاتارلىقلار؛ (4) كىشىنىڭ ئۇزۇن مۇددەتلىك خىزمەتكە نىسبەتەن تۇتقان ئىرادە ئالاھىدىلىكىدە ئىپادىلىنىدۇ، مەسىلەن: ئېگىلمەسلىك، چىڭلىق قاتارلىقلار