Uyghur主要词典
ۋىتامىن ۋە ۋىتامىن كەملىك كېسەللىكى
ئادەم بەدىنىنى ئاسراش ۋە قۇتقۇزۇش بىلىملىرى
ئىنسانلار ۋىتامىننىڭ سىرىنى ئېچىشتىن ئىلگىـرى قـان بـۇزۇلـۇش كېسەللىكى، نامازشام قارىغۇسى كېسەللىكى، قارا تەمرەتكە، بېرىبېرى كـېـسەللىكى قاتارلىقلار خۇددى ئىبلىسقا ئوخشاش نۇرغۇن ئادەمنى بەخت ۋە ھاياتىدىن مەھرۇم قىلغانىدى.20 - ئەسىرنىڭ باشلىرىغا كەلگەندىلا، كىشىلەر تۈرلۈك ۋىتامىنلار بىلەن تەدرىجىي تونۇشتى - دە، بۇنىڭ بىلەن نـەچـچـە مـىـڭ يىللاردىن بۇيان ھۆكۈمرانلىق قىلىپ كەلگەن كېسەللىك ئىبلىسلىرى تىز پۈككەن بولدى.
ۋىتامىن ئادەم بەدىنىنى ھەم ئېنېرگىيە بىلەن تەمىنلىـمـەيـدۇ، ھەم ئادەم بەدىنىنىڭ توقۇلمىلىرىنى تەشكىل قىلمايـدۇ. ئۇنـىـڭ ۋەزىپىسى پەقەت نـورمـال فىزىئولوگىيىلىك پائالىيەتلەرنى قامداش بولغاچقا، ئادەمنىڭ ۋىتامىنغا بولـغـان ئېھتىياجى ئاز بولسىمۇ، لېكىن كەم بولسا بولمايدۇ. بۇنىڭ كۆپىنچىسـىنى ئادەم بەدىنى ئۆزى بىرىكتۈرەلمەيدۇ ياكى بىرىكتۈرۈش مىقدارى يېتەرسىز بولۇپ، يېمەكلىك تەرىپىدىن تەمىنلىنىدۇ. ئادەتتە كىشىلەرنىڭ يـېـمـەك - ئىـچـمـەك قۇرۇلمىسى مۇۋاپىق بولسىلا ۋىتامىن كەملىك كېسەللىكى كۆرۈلمەيدۇ. ۋىتامىـن تۈرىدىكى دورىلارنى دوختۇرنىڭ كۆرسەتمىسى بويىچە ئىشلىتـىـش لازىـم، چۈنكى بەزى ۋىتامىنلارنى زىيادە ئىستېمال قىلغاندا زەھەرلەش رېئاكسىيىسـى يۈز بېرىدۇ.
ئالىملار تۈرلۈك ۋىتامىنلارنى ئۇلارنىڭ بايقىلىـشىـنـىـڭ ئىـلـگـىـرى - كېيىنلىكىگە ئاساسەن A، B، C ... تەرتىپى بويىچە تۈرگە ئايرىپ، ئايرىم - ئايرىم ھالدا ۋىتامىن A، ۋىتامىن B ... دەپ ئاتىدى. ئۇنىـڭـدىـن بـاشـقـا، ئۇلارنىڭ سۇدا ئېرىيدىغان ياكى ياغدا ئېرىيدىغانلىـقـىـغـا ئاسـاسـەن، سـۇدا ئېرىيدىغان ۋىتامىن ۋە ياغدا ئېرىيدىغان ۋىـتـامـىنـغـا ئايـرىدى. يۇقىرىدا ئاساسلىق ۋىتامىنلارنىڭ فىزىئولوگىيىلىك رولى، يېمەكلىكتىكى مـەنـبـەسـى ھەمدە ۋىتامىن كەملىك كېسەللىكىنىڭ ئاددىي جەدۋىلى بېرىلدى.
关于该词条
这是一个维吾尔语–维吾尔语词典词条。
该词条来自 Lughet 收录的主要词典。
该词在 Lughet 收录的其他来源中也有释义 — 见下方列表。
