سالاھىددىن

دۇنيا تارىخى (1138 - 1193) مىسىردىكى ئەييۇبىلار سۇلالىسىنى قۇرغۇچى. كۇرد. تىگرىس دەرياسى ۋادىسىدىكى تىكرىتتا تۇغۇلغان. 1164 - يىلى تاغىسىنىڭ قوشۇنىغا ئەگىشپ مىسىرغا كەلگەن. 116 - يىلى مىسىر فاتىمە خاندانلىقىنىڭ ۋەزىرى بولغان. 1171 - يىلى فاتىمە خاندانلىقىنى ئاغدۇرۇپ تاشلاپ، ئابباسلار خاندانلىقىغا سادىق ئىكەنلىكىنى بلدۈرگەن. 1174 - يىلى مىسىرنىڭ مۇستەقىل بولغانلىقى جاكارلانغاندىن كېيىن خەلىپە ئابباس ئۇنىڭغا سۇلتان دېگەن نام بەرگەن. كېيىن ئۇ، سۈرىيە بىلەن مىسوپوتامىيىنىڭ كۆپ قىسمىنى بىرلىككە كەلتۈرگەن. 1187 - يىلى پەلەستىننىڭ شىمالىدىكى خاتتىندا ئەھلىسەلىپنى مەغلۇپ قىلىپ، ئېرۇسالىم پادىشاھى ۋە مۇقەددەس ئوردا رىتسارلار پولىكىنىڭ پولكوۋنىكىنى ئەسىرگە ئالغان، 10 - ئايدا ئېرۇسالىمنى ئىشغال قىلىپ، ئەھلىسەلىپىنىڭ ئېرۇسالىمدىكى 88 يىللىق ئىشغالىيىتىگە خاتىمەبەرگەن. 1189 - يىلى غەربىي ياۋرۇپا فېئوداللىرى ئەھلىسەلىپنىڭ ئۈچىنچى قېتىملىق شەرققە قاراتقان تاجاۋۇزچىلىقىنى قوزغىغان. ئۇنىڭ قوماندانلىقىدا ئەھلىسەلىپىنىڭ ھۇجۇمى توسۇلۇپ قالغان. 1192 - يىلى ئەنگىلىيەكورۇلى رىچارد Ⅰ بىلەن ئۈچ يىللىق ئۇرۇش توختىتىش شەرتنامىسى ئىمزالىغان. ئىككىنچى يىلى سۈرىيەنىڭ دەمەشق شەھىرىدە ئۆلگەن. ئۇيغۇر كىشى ئىسىملىرى ئەرلەرگە خاس ئىسىم (ئەرەبچە) دىننىڭ ياخشىلىقى، ئەزگۈلۈكى؛ دىن بەخش ئەتكۈچى ئىقبال، سائادەت ياكى دىننىڭ سائادەتلىك پەرزەنتى.