قورقدى

تۈركىي تىللار دىۋانى سۆزلۈكلىرى قورقتى. قۇل تەڭرىدەن قورقدى _ قۇل (بەندە) تەڭرىدىن قورقتى. باشقا بىر نەرسىدىن قورقسىمۇ شۇنداق دېيىلىدۇ ( قورقار _ قورقماق). ماقالدا مۇنداق كەلگەن: قارى ئۆكۈز بالدۇقا قورقماس _ قېرى ئۆكۈز پالتىدىن قورقماس. بۇ ماقال بىر كىشىنى ئادەتلىنىپ قالغان نەرسىسى بىلەن قورقۇتماقچى بولغان كىشىگە قارىتىپ ئېيتىلىدۇ. چۈنكى ئۆكۈزنىڭ پالتىغا ئۆگىنىپ قالغىنىدەك، ئۇمۇ قورقۇتۇلغان نەرسىگە ئۆگىنىپ قالغاندۇر. شېئىردا مۇنداق كەلگەن: قورقما ئاڭار ئۇترۇ تۇرىپ تەگرە يېرە قاپسا ئانىڭ ئاپاغۇتىن ئاندان يارا «ئۇنىڭدىن قورقما، قارشىسىدا تەڭ تۇر، ئۇنىڭ باتۇرلىقىنى قاپساپ، ئاندىن يېرىپ تاشلا.» دۈشمەندىن قورقما، ئۇنىڭغا ئۇدۇلمۇ - ئۇدۇل تاقابىل تۇر؛ ئۇنىڭ باتۇرلىرىنى چۆرۈۋەت، قەغەز پۈكلىگەندەك پۈكلەپ تاشلا. 3 - 573