قەشقەر ۋىلايەتلىك مىللىي بالىلار باغچىسى

شىنجاڭ مائارىپى بالىلار مائارىپى 1982 - يىلى قەشقەر شەھىرى گۈلباغ كوچىسى 6 - نومۇردا قۇرۇلغان بولۇپ، قەشقەر ۋىلايەتلىك مائارىپ كومىتېتى باشقۇرغان. پۈتۈن كۈنلۈك، يېرىم كۈنلۈك ئىككى خىل بېقىش، تەربىيلەش تۈزۈمىنى يولغا قويغان. ئىگىلىگەن يەر كۆلىمى 5667 كۋادرات مېتىر. قۇرۇلۇش كۆلىمى 4150 كۋادرات مېتىر، بالىلارنىڭ يېشىغا ئاساسەن كىچىك، ئوتتۇرا، چوڭىدىن ئىبارەت 3 يىللىققا ئايرىغان. ئەدەبىيات، ماتېماتىكا، ناخشا - ئۇسسۇل، مۇزىكا، خەنزۇ تىلى، رەسىم، ئومۇمىي ساۋات، تەنتەربىيە قاتارلىق دەرسلەرنى تەسىس قىلغان. 1999 - يىلدىكى ئوقۇتقۇچى، ئىشچى - خىزمەتچىلەر سانى 72 نەپەر، بالىلار 300 دىن كۆپرەك.