پولات ئىتتىپاق شەرتنامىسى

دۇنيا تارىخى <گېرمانىيە - ئىتالىيە ئىتتىپاقلىق شەرتنامىسى> نىڭ باشقىچە ئاتىلىشى. گېرمانىيە ۋە ئىتالىيە <پولاتتەك شەرتنامە> دەپ ئاتىغانلىقتىن شۇنداق دەپ ئاتالغان. 1939-يل 5-ئاينىڭ 22-كۈنى بېرلىندا ئىمزالانغان. شەرتنامىنىڭ ئۈچىنچى ماددىسىدا: <ئەگەر شەرتنامە تۈزۈشكە قاتناشقان ئىككى تەرەپنىڭ ئارزۇسىنىڭ ئەكسىچە ئىككى تەرەپ ئىچىدىكى بىر تەرەپ بىر ئىتىتپاقداش دۆلىتى سۈپىتىدە ئىككىنچى تەرەپكە دەرھال ياردەم بېرىدۇ ھەمدە قۇرۇقۇق، دېڭىز ۋە ھاۋا ئارمىيىسى جەھەتلىرىدىن قوللاپ - قۇۋۋەتلەيدۇ> دەپ بەلگىلەنگەن. شۇنىڭ بىلەن بىر ۋاقىتتا، يۇقىرىدا ئېيتىلغان مەجبۇرىيەتلەرنى ئۈستىگە ئېلىشقا كاپالەتلىك قىلىش ئۈچۈن ئىككى دۆلەت دائىمىي كومىتېت تەسىس قىلىشنى بەلگىلىگەن. شەرتنامە گېرمانىيىنىڭ پولشاغا ھۇجۇم قىلىشنىڭ مۇھىم تەييارلىقى بولۇپ، ئىككىنچى دۇنيا ئۇرۇشۇنىڭ ئومۇميۈزلۈك پارتلىشىنى تېزلەتكەن.