مالاككا

دۇنيا تارىخى شەرقىي جەنۇبىي ئاسىيادىكى فېئودال پادىشاھلىق (1403 - 1511). پارامېسۋارا قۇرغان. دەسلەپتە زېمىنى مالاككارايوندىنلا ئىبارەت. 15 - ئەسىرنىڭ كېيىنكى يېرىمىغا كەلگەندە، دۆلەت كۈچى زورىيىپ، مالاي يېرىم ئارىلىنىڭ جەنۇبىي رايونىنىڭ زور قىسمىنى ۋە سوماترا ئارىلىنىڭ شەرقىي قىرغىقىنى ئۆزىگە قوشۇۋالغان. پادىشاھى مۇزەففەر شاھ تەختتە ئولتۇرغان چاغدا (1446 - 1459) دەسلەپ سۇلتان دەپ ئاتالغان. مالاككا شەرق بىلەن غەرب دېڭىز سودىسىنىڭ مۇھىم يولىغا جايلاشقانلىقتىن سودا راۋاج تاپقان. ئىسلام دىنىغا ئېتىقاد قىلغان ھەمدە ئۆزئەتراپىدىكى رايونلارغا ئىسلام دىنىنى تارقاتقان. 15 - ئەسىرنىڭ ئاخىرىدا دۆلەت خارابلاشقان. 1511-يىلى پورتۇگالىيە مۇستەملىكىچىلىرى مالاككانى بېسىۋالغان. سۇلتان مامۇت جۇھۇر رايونىغا كۆچۈپ بېرىپ جۇھۇر بەگلىكىنى قۇرۇپ، دۈشمەنگە قارشى داۋاملىق كۈرەش قىلغان. مالاككا جۇڭگونىڭ مىڭ سۇلالىسى بىلەن زىچ مۇناسىۋەت باغلىغان. پادىشاھ پارامېسۋارا، سىرى ماخاراجا ئىلگىرى - كېيىن بولۇپ جۇڭەودا زىيارەتتە بولغان. جۇڭگولۇق دېڭىزچى جېڭ خې ۋە باشقا ئەلچىلىرىمۇ مەزكۇر دۆلەتكە كۆپ قېتىم بارغان. دۇنيادىكى شەھەرلەر غەربىي مالايشىيادىكى مالاككا ئۆلكىسىنىڭ مەركىزى ھەم مۇھىم پورتى. بۇ شەھەر مالاككا دەرياسىنىڭ ئاغزىغا جايلاشقان، ئاھالىسى 464 مىڭدىن ئاشىدۇ (1982)، ئاھالىنىڭ كۆپىنى خەنزۇلار بىلەن ئۇلارنىڭ ئەۋلادلىرى ئىگىلەيدۇ. مالاككا شەھىرىنىڭ ئاساسى تەخمىنەن 1400 - يىللىرى سېلىنغان. 1511 - يىلىدىن باشلاپ پورتۇگالىيىنىڭ مۇستەملىكىسى بولغان. 1641 - يىلى گوللاندىيە تەرىپىدىن بېسىۋېلىنغان. 1826 - يىلى ئەنگلىيىگە قاراشلىق مالاككا بوغۇزى مۇستەمكىسىنىڭ بىر قىسمى بولغان. مالاككا مالايشىيانىڭ مۇھىم شەھەرلىرىنىڭ بىرى. شەھەردە نەشرىياتچىلىق، ياغاچچىلىق، قەغەز ئىشلەش، يېمەك - ئىچمەك قاتارلىق سانائەت ئورۇنلىرى بار. شەھەردە مۇستەتملىكىچىلەر ۋاقتىدا سېلىنغان بىر قەۋەت ئۆيلەر، 1521 - يىلى سېلىنغان سانت پاۋلو ئىبادەتخانىسى، خرىستىئان دىنى چېركاۋلىرى، ھۆكۈمەت بىنالىرى، مىڭ سۇلالىسى دەۋرىدىن باشلاپ بىنا قىلىنىشقا باشلىغان خەنزۇلار قەبرىستانلىقى بار. مالاككا پورتى ئارقىلىق كاۋچۇك، شېكەر، گۈرۈچ قاتارلىق مەھسۇلاتلار بىر تەرەپ قىلىنىدۇ. شەھەردىن ئۇئالامپور، سىنگاپور قاتارلىق شەھەرلەرگە بارىدىغان ھاۋا يوللىرى، تاشيوللار بار.