كۆممىقوناق

بىئولوگىيە 玉蜀黍 yùshǔshǔ باشاقلىقلار ئائىلىسىگە كىرىدۇ. ئېگىز، بىر يىللىق سامان غوللۇق ئۆسۈملۈك. غولى توم، ئىچى پۈتەي، يوپۇرماق ئالىقىنى تۈز يېيىلىدۇ ۋە كەڭ بولىدۇ. گۈلى تاق جىنىسلىق بولۇپ، بىر تۈپتە ئۆسىدۇ؛ ئاتىلىق گۈل رېتى غولىنىڭ ئۇچىدا ئۆسىدۇ، گۈل رېتى چەكسىز گۈل رېتىسىمان تىزىلغان باشاقسىمان گۈل رېتىدىن ئىبارەت؛ كىچىك باشىقى جۈپ بولۇپ، ئىككى دانە كىچىك گۈلى بولىدۇ، بىرسىنىڭ سېپى بولىدۇ، بىرسىنىڭ سېپى بولمايدۇ. ئانىلىق گۈل رېتى يوپۇرماق قولتۇقىدا يالغۇز ئۆسىدۇ، گۈل رېتى يوپۇرماقسىمان ئورىغۇچى يوپۇرمىقى بولغان توم باشاقلىق گۈل رېتىدىن ئىبارەت؛ ئومۇمىي ئوقى توم بولۇپ بۇلۇتلىشىدۇ. كىچىك باشىقىدا بىر تال گۈل بولىدۇ، سېپى بولمايدۇ، سىلىندىرسىمان ئومۇمىي ئوققا ئۇزۇنىسىغا زىچ تىزىلىدۇ؛ ئانىلىق بوينى يىپسىمان بولۇپ، گۈل رېتىنىڭ سىرتىغا چىقىپ تۇرىدۇ، قىلتىرىقلىق مېۋىسى شارسىمان ياكى ياپىلاق بولىدۇ. ئۇنىڭ ئەسلى ماكانى ئامېرىكا قىتئەسى بولۇشى مۇمكىن، ھازىر ئۇ دۇنيانىڭ ھەممە جايلىرىدىكى ھاۋاسى مۆتىدىل رايونلاردا كەڭ كۆلەمدە تېرىلىدۇ؛ جۇڭگودا ئاساسەن سىچۇەن، خېبېي، شەندۇڭ ۋە شەرقىي شىمالدىن چىقىدۇ. ئۇ ئاساسلىق دانلىق زىرائەتلەرنىڭ بىرى بولۇپ، ئىستېمال قىلىنىدۇ، شۇنداقلا مايا، ھاراق، كراخمال، ئىسپىرت، گلۇكوزا ۋە پلاستماسسىنىڭ خام ئەشياسى قىلىنىدۇ؛ يېڭى غولى ۋە يوپۇرمىقىنىڭ رەڭگى يېشىل بولۇپ يەم - خەشەك قىلىنىدۇ؛ يىلتىز، يوپۇرماق، ئانىلىق بوينى قاتارلىقلار دورا قىلىنىۇ. ئۆسۈملۈك,ئۇنىۋېرسال 苞米 bāo mǐDتېببىي 玉蜀黍 yù shǔ shǔDئۇنىۋېرسال 包谷 bāo gǔDئۇنىۋېرسال 包芦 bāo lúDئۇنىۋېرسال 苞谷 bāo gǔDدېھقانچىلىق 玉米／苞谷／蜀黍 yù mǐ ／bāo gǔ ／shǔ shǔ shǔ shǔDدېھقانچىلىق 苞谷／玉米／蜀黍 bāo gǔ ／yù mǐ ／shǔ shǔ shǔ shǔDيېزا ئىگىلىك 玉米 yù mǐDئۇنىۋېرسال 玉茭 yù jiāoDئۇنىۋېرسال 玉米 yù mǐDئۇنىۋېرسال 棓头 bàng tóu شىنجاڭنىڭ ئۆسۈملۈكلىرى 玉米 yù mǐ بۇ باشاقلىقلار ئائىلىسىدىكى بىر يىللىق سامان غوللۇق، كۆممىقوناققا ئۇرۇقداش ئۆسۈملۈك بولۇپ، غولى 2 ~ 3 مېتىر ئەتراپىدا ئۆسىدۇ. يوپۇرمىقى ئۇزۇن ھەم چوڭ، گۈلى ئاق جىنىسلىق، ئاتىلىق - ئانىلىقى بىر تۈپتە بولىدۇ. دېنى سېرىق پۇرچاقنىڭكىدىن سەل چوڭراق بولۇپ، مۇھىم ئاشلىقلاردىن بىرى ھېسابلىنىدۇ. دورىغا بۇ ئۆسۈملۈكنىڭ ساقىلى، يىلتىزى ۋە يوپۇرمىقى ئىشلىتىلىدۇ. بۇ ئۆسۈملۈكنىڭ مېۋىسى پىشقاندا ساقىلىنى يىغىۋېلىپ، ئاپتاپتا قۇرۇتۇپ؛ ئاندىن يوپۇرمىقى ۋە يىلتىزىنى يىغىۋېلىپ، ئاپتاپتا قۇرۇتۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ. شىنجاڭ ئۇيغۇر ئاپتونوم رايونىنىڭ ھەرقايسى جايلىرىدا تېرىپ ئۆستۈرۈلىدۇ. ھۆل سوغۇق. سۈيدۈك ھەيدەش، ئۆت يولىنى راۋانلاشتۇرۇش، قان بېسىمىنى چۈشۈرۈش خۇسۇسىيىتىگە ئىگە. ئەھۋالغا قاراپ 15 ~ 30 گرام ئەتراپىدا ئىشلىتىلىدۇ. كۆممىقوناق ساقىلىدىن 35 گرام، ئارپا قىلتىرىقىدىن سەككىز گرام ئېلىپ، سۇدا قاينىتىپ ئىچىپ بەرسە، ئۆتكۈر، سوزۇلما خاراكتېرلىك بۆرەك ياللۇغى ۋە سۈيدۈك ئازىيىشقا مەنپەئەت قىلىدۇ. 35 گرام كۆممىقوناق ساقىلىنى 30 گرام سۆگەت يوپۇرمىقى، 35 گرام قىزىل ماش، 20 گرام كۆك سېغىز بىلەن بىللە سۇدا قاينىتىپ ئىچىپ بەرسە، دوۋساق تاش كېسەللىكىگە مەنپەئەت قىلىدۇ. كۆممىقوناق ساقىلىدىن 35 گرام، قىل يوپۇرماقلىق ئەمەندىن 20 گرام، جىنتىيانادىن 12 گرام ئېلىپ، سۇدا قاينىتىپ ئىچىپ بەرسە، ئۆت خالتا ياللۇغى، ئۆت يولى تېشى ۋە سېرىقلىق چۈشۈش تىپىدىكى يۇقۇملۇق جىگەر ياللۇغىغا مەنپەئەت قىلىدۇ. كۆممىقوناق ساقىلىدىن 35 گرام ئېلىپ سۇدا قاينىتىپ ئىچىپ بەرسە، يۇقىرى قان بېسىمىغا مەنپەئەت قىلىدۇ. مۇۋاپىق مىقداردىكى كۆممىقوناق ساقىلىنى دەملەپ، چاي ئورنىدا ئىچىپ بەرسە، قان بېسىمىنى تۆۋەنلىتىدۇ. كۆممىقوناقنىڭ ھۆل يىلتىزى ياكى يوپۇرمىقىدىن 35 گرام ئېلىپ، سۇدا قاينىتىپ ئىچىپ بەرسە، سۈيدۈك يول تېشى كېسەللىكىگە مەنپەئەت قىلىدۇ.