گرىنۋىچ

دۇنيادىكى شەھەرلەر ئەنگلىيىنىڭ پايتەختى لوندون شەھىرىنىڭ شەرقىي جەنۇبى ۋە تېمزا دەريا بويىغا جايلاشقان كىچىك شەھەر، ئاھالىسى 210 مىڭدىن ئاشىدۇ. گرىنۋىچ دېگەن ئىسىم كىشىلەرگە خېلى تونۇش، 1884 - يىلى ئا ق ش نىڭ پايتەختى ۋاشىنگتوندا ئېچىلغان خەلقئارا ۋاقىت يىغىننىڭ قارارى بويىچە گرىنۋىچتىن ئۆتكەن مېردىئان سىزقى (°0) ۋاقىت ئۆلچەشنىڭ باشلىنىش نۇقتىسى قىلىپ بېكىتىلگەن. بۇ بەلگىلىمە بويىچە نۆل ۋاقىت رايونىنىڭ شەرقىدىكى رايونلار (°0 دىن شەرققە قاراپ تاكى °180 قىچە بولغان رايونلار) ۋاقىت جەھەتتىن غەربتىكى ۋاقىت رايونلىرىدىن بىر كۈن بۇرۇن بولىدۇ دەپ بەلگىلەنگەن، مۇشۇ بەلگىلىمە بويىچە پۈتۈن دۇنيا 24 ۋاقىت رايونىغا ئايرىلغان. ھەربىر ۋاقىت رايونىنىڭ ئۆزىدە يەرلىك ۋاقىت رايونى بار، خەلقئارا ئىشلاردا گرېنۋىچ ۋاقتى قوللىنىلىدۇ. ئەنگلىيە پادىشاھ رەسەتخانىسى 1675 - يىلىدىن 1948 - يىلىغىچە شۇ شەھەردە ئىدى. 1948 - يىلدىن كېيىن شەھەرنىڭ شەرقىي جەنۇبىدىكى كرۋىدون مېدىسون دېگەن ئورۇنغا يۆتكەلدى. بۇرۇنقى جايدا ئەنگلىيىنىڭ دېڭىز قاتناش مىنىستىرلىقى بىلەن دېڭىز - ئوكيان مۇزېيى، پادىشاھ دېڭىز ئارمىيە شۆيۈەنى قاتارلىق ئورۇنلار بار.