گودۋىن

دۇنيا تارىخى (1756 - 1836). ئەنگلىيەلىك سوتسىئولوگ ئىجتىمائىي مۇتەپەككۇر. پوپ ئائىلىسىدىن كېلىپ چىققان، كېيىن ئاتېئىزمغا ئېتىقاد قىلغان. ئۇ ئەقلىي تەربىيە ئارقىلىق مۇكەممەل بىر جەمئىيەت قۇرغىلى بولىدۇ، دەپ قارىغان. مەرىپەتچىلىك ئىدىيىسىنىڭ تەسىرىگە چوڭقۇر ئۇچراپ، فېئوداللىق تۈزۈمنى ئەيىبلەپ، مۇستەقىل ئەركىن ئىشلەپ چىقارغۇچىلار ئىتتىپاقى قۇرۇشنى تەشەببۇس قىلغان. ئۇنىڭ ئىدىيىسى كېيىنكى خىيالىي سوتسىيالىزىمچىلارغا تەسىر كۆرسەتكەن. ئەسەرلىرىدىن <سىياسىي ھەققانىيەت توغرىسىدا> دېگەن سىياسىي مۇھاكىمە ماقالىسى، <كارلىب ۋىليامىسىنىڭ خەتەرلىك سەرگۈزۈشتلىرى> دېگەن رومانى ۋە باشقىلار بار. دۇنيا تارىخى (؟ـ1053) ئەنگىلىيىنىڭ ئانگلوساكسون دەۋرىنىڭ ئاخىرلىرىدىكى ئەڭ چوڭ نوپوزلۇق مەنسەپدار. كىنۇد ئەنگىلىيىگە كىرىپ خوجايىنلىق قىلغاندىن كېيىن، تەخمىنەن 1018 ـ يىلى غەربىي ساكسون گرافى بولغان. 1042 ـ يىلى، ئەنگلىيە كورۇلى ئېدۋارد (تۆۋە قىلغۇچى) تەختكە چىققاندىن كېيىن، مۇھىم ۋەزىپىنى ئىگىلەپ، خاندانلىقنى باشقۇرغان. 1045 ـ يىلى قىزى ئېدىسنى ئېدۋاردقا بەرگەن. 1051 ـ يىلى، ئدۋارد مۇنارخىيىلىك ھاكىميەتنى كۈچەيتىش ئۈچۈن،ئۇنىڭ مال ـ مۈلكىنى مۇسادىرە قىلغان ھەمدە ئۇنى چېگرىدىن قوغلاپ چىقارغان. ياندۇرقى يىلى گودۋىن ئاقسۆڭەكلەر توپىلىڭىنى قوزغاپ، ئېدۋاردنى ئۇنىڭ مال ـ مۈلكى ۋە ھوقوقىنى ئەسلىگە كەلتۈرۈشكە مەجبۇر قىلغان. 1066 ـيىلى، ئېدۋار قازا قىلىپ، گودۋىننىڭ چوڭ ئوغلى ھارولد مۆتىۋەرلەر يىغىنى تەرىپىدىن ئەنگلىيە كورۇللۇقىغا سايلانغان، ئۇ ھارولد Ⅱ دەپ ئاتالغان.