دۇنيالىق

ئۇيغۇر تىلى ئۇنۋېرسال سۆزلۈكلەر ئى. دۇنيادا لازىم بولىدىغان نەرسە. مەن دۇنيالىقنى تاشلاپ، تەركىدۇنيا بولۇپ، چۆل - باياۋاندا ئىبادەت قىلىپ يۈرگەنىدىم. سۈپ. بۇ دۇنيادا ئېرىشكەن، ھاياتىدا، ئۆمرىدە تاپقان. سەلىمە ئۇنىڭ دۇنيالىق بىرلا بالىسى ئىدى. سۈپ. دۇنيادىكى؛ دۇنيادا ئەسقاتىدىغان، يار - يۆلەك بولىدىغان. شۇ ئاچقۇچنىڭ خاسىيىتىدىن ئۇنىڭ قولى ئۇزىراپ، ئەتراپىدا پەرۋانە بولىدىغان <ئىككى دۇنيالىق> دوستلىرى كۆپەيگەنىدى. ئى. ئورۇن كېلىش قوشۇمچىسى <دا، تا> بىلەن كېلىپ <دۇنيادا، ئۆمرىدە، ھاياتىدا> دېگەن مەنىلەرنى بىلدۈرىدۇ. ئۇ، دۇنيالىقتا بىرلا جانجىگەر ئوغلى سۇتۇقتىن ئەندىشە قىلاتتى.