چىمىلدىماق

ئۇيغۇر تىلى ئۇنۋېرسال سۆزلۈكلەر پىئېل بىرەر نەرسىنى سانجىغاندەك، تارتىشقاندەك ياكى كۆيۈشكەندەك تۇيغۇ پەيدا بولماق؛ ئېچىشماق. ئابدۇرېھىمنىڭ يۈزلىرى خىجىللىقتىن قىزىرىپ، چىمىلداپ كەتتى. تېز ۋە تەكرار رەۋىشتە ئېچىلىپ - يېپىلماق ياكى بوش ۋە ئاجىز دەرىجىدە لىكىلدىماق (كۆز، قاش - قاپاق ھەققىدە). ئۇنىڭ ساپسېرىق كىرپىكلىرى توختىماي چىمىلداپ كەتتى. ئۇششاق ۋە ئاجىز دەرىجىدە دولقۇن پەيدا قىلماق؛ كۈۋەجىمەك؛ قاينىماق. قازاندىكى سۇنىڭ ئۇ يەر - بۇ يېرى بىلىنەر - بىلىنمەس چىمىلداۋاتاتتى. بىر يورۇپ - بىر ئۆچمەك، چاقنىماق، يالتىرىماق. شالاڭلاپ قالغان بۇلۇتلار ئارىسىدا ئاندا - ساندا كۆرۈنۈپ تۇرغان يۇلتۇزلار ئۇنىڭ ياشلىق كۆزلىرىگە ئوخشاش چىمىلداپ تۇراتتى.