中非

zhōng fēi ئوتتۇرا ئافرىقا

ئوتتۇرا ئافرىقا شەرقتە شەرقىي ئافرىقا چوڭ ئۈزۈلمە بەلبېغىدىن غەربكە قاراپ تاكى ئاتلانتىك ئوكيان قىرغىقىغا قەدەر، جەنۇبىي كەڭلىك 18° دىن شىمالىي كەڭلىك 23° قا قەدەر بولغان ئورۇنلارنى ئۆز ئىچىگە ئالىدۇ. مەيدانى 6 مىليون 610 مىڭ كۋادرات كىلومېتىر كېلىدۇ. بۇ رايون شىمالدىن جەنۇبقا قاراپ بىستى ئېگىزلىكى، چاد كۆل ئويمانلىقى، كامېرون ۋە ئازاندې ئېگىزلىكى، كونگو ئويمانلىقى ۋە تۆۋەنكى گۋېنىيە بىلەن لوندا - كاتانگا ئېگىزلىكىدىن ئىبارەت بەش رايونغا بۆلۈنىدۇ. چاد، ئوتتۇرا ئافرىقا جۇمھۇرىيىتى، زايىر، ئانگولا، گابون، كونگو، ئېكۋاتور گۋېنىيىسى، كامېرون، سانتو - پىرىنسىپىدىن ئىبارەت توققۇز دۆلەتنى ئۆز ئىچىگە ئالىدۇ. ئاھالىسى 6 مىليوندىن ئاشىدۇ (1983)، ئاھالىنىڭ 80% دىن كۆپىنى سۇدان تىل سىستېمىسىدىكى نىگېرلار تەشكىل قىلىدۇ. شىمالىي رايونلارنىڭ ئىقلىمى قۇرغاق ۋە چۆل ئىقلىم تىپىغا كىرىدۇ، كامېرون تاغلىرىنىڭ ئىقلىمى نەم بولۇپ، يىللىق ھۆل - يېغىن مىقدارى 10 مىڭ 227 مىللىمېتىرغا يېتىدۇ. بۇ رايوننىڭ ئوتتۇرا قىسمىدىن ئېكۋاتور سىزىقى كېسىپ ئۆتكەنلىكتىن، ئىقلىمى بىلەن تەبىئىي جۇغراپىيىلىك بەلباغلىرى ئېكۋاتورنىڭ ئىككى تەرىپىگە قاراپ قانۇنىيەتلىك ئورۇنلاشقان.