زەنجىر

چاغاتاي دەۋرى ئۇيغۇر سۆزلۈكلىرى پارىسچە زەنجىر، كىشەن: ئەگەر بويۇنۇمغە زەنجىرى قولۇمغە يۈز كەمەند ئولغاي، بەناگاھ دېدمەندىغە تەرەف نادەردمەند ئولغاي. قەلەندەر. كلاسسىك ئەدەبىيات سۆزلۈكلىرى پارىسچە كىشەن، ئىشكال: زەنجىر خانە - قاماق، زىندان. ئۇيغۇر تىلى ئۇنۋېرسال سۆزلۈكلەر ئىسىم پارىسچە مېتال ھالقىلارنىڭ رەتلىك ھالدا بىر - بىرىگە ئۆتكۈزۈلگەن تىزمىسى. تۆمۈر زەنجىر. سائەت زەنجىرى. تەلۋە تەپسە زەنجىر ئۈزەر (ماقال). ئىشىك ۋە ياكى دەرۋازىلارنى تاقاشتا ئىشلىتىلىدىغان ئىلگەك. ئاتلىق ئەسكەر قىلىچنىڭ سېپىنى تاشلاپ، ئېگەردىن ئېڭىشتى - دە، ئىشىكنىڭ زەنجىرىنى ئاچتى. مەھبۇسلارنىڭ قولى، پۇتى ياكى بوينىغا سېلىنىدىغان تۆمۈر ھالقا؛ كىشەن. <ماشىن> ۋېلىسىپىت، موتسىكلىت ۋە تۈرلۈك مېخامىزملاردىكى ھەرىكەت ئۇزارتقۇچى قۇرۇلما. ئادەتتە كىچىك - كىچىك بۆلەكلەرنىڭ بىر - بىرىگە تەرتىپ بويىچە چېتىلىشى ئارقىلىق تۈزۈلىدۇ. ۋېلىسىپىت زەنجىرى. زەنجىر تاپان تراكتور. <فىز> ئۈزلۈكسىز سىستېما ياكى لىنىيە ھاسىل قىلغۇچى ئېلېكتر ئەسۋابلىرى بىرىكمىسى. ئېلېكتر زەنجىرى. <خىم> خىمىيىۋى بىرىكمىلەردىكى ئېلېمېنت ئاتوملىرى بىلەن باغدىن تۈزۈلگەن ھەمدە ئۇلارنىڭ بىرىكىش ھالىتىنى كۆرسىتىدىغان سخېما. كۆچمە. ئاسارەت، قۇللۇق. جاھالەت زەنجىرى.