ئوغرۇلدى

تۈركىي تىللار دىۋانى سۆزلۈكلىرى سۆڭۈك ئوغرۇلدى _ سۆڭەك (ئۈگە - ئۈگىسىدىن) ئاجرالدى ( ئوغرۇلۇر _ ئوغرۇلماق). شېئىردا مۇنداق كەلگەن: بالچىق بالىق يۇغرۇلۇر چىغاي ياۋۇز يىغرىلۇر ئەرڭەكلەرى ئوغرۇلۇر ئوزغۇچ بىلە ئەۋرىشۈر {لاي - پاتقاقلار يۇغۇرۇلار، يوقسۇل - يوپۇن دۈگدىيەر، بارماقلىرى ئۇيۇشار، كىچىككىنە چوغ بىلەن ھەپىلىشەر.} ياز بىلەن قىشنىڭ مۇنازىرىسىنى تەسۋىرلەپ مۇنداق دېيىلىدۇ: لاي - پاتقاقلار يۇغۇرۇلۇپ، ئۇيۇپ كېتىدۇ، يوقسۇل - يوپۇنلار دۈگدىيىپ، تۈگۈلۈپ كېتىدۇ، ئۇلارنىڭ بارماقلىرى قورۇلۇپ، قوۋۇشماي قالىدۇ _ دە، بىرەر پارچە چوغ بىلەن سۆيۈنۈپ كېتىدۇ. 1 - 329