ئۆزگىرىش ئاخىرلىشىش مەزگىلى

بىئولوگىيە سان كېمەيتىپ بۆلۈنۈشنىڭ ئالدىنقى دەۋرىنىڭ ئەڭ ئاخىرقى بىر مەزگىلى. قوش يىپلىق مەزگىلىدىن كېيىن، خروموسومىلار تېخىمۇ ئىلگىرىلىگەن ھالدا بۇرمىلىنىش بىلەن قىسقىراپ توملىشىدۇ، داۋاملىق ئۇچىغا سۈرۈلگەنلىكتىن خروموسومىلارنىڭ كېسىشىشى ئازىيىپ كېتىدۇ. بۇ چاغدا يادرو مېغىزى (يادروچاق) يوقىلىپ، يادرو پەردىسى ئېرىپ كېتىشكە باشلايدۇ، ئۇرچۇقسىمان تەنچە مىكرو نەيچىلىرى تېخى شەكىللەنمەيدۇ، تۆت بۆلەكلىك تەنچە يادرو پەردىسىگە يېقىن تۇرىدۇ. شۇڭلاشقا خروموسومىلارنىڭ سانىنى ھېسابلاشقا ناھايىتى مۇۋاپىق كېلىدۇ.