ئىندۇكسىيىلەنگەن مۇتاتسىيە

诱发突变 yòufātūbiàn فىزىكا ياكى خىمىيىلىك ئامىللاردىن پايدىلىنىپ، گېن ياكى خروموسومىلارنى سۈنئىي ھالدا ئۆزگەرتىشتىن ئىبارەت. ئىندۇكسىيىلەنگەن مۇتاتسىيە جانلىقلارنىڭ ئالامەتلىرىنى ئۆزگەرتىدۇ ۋە يېڭى تىپلارنى كەشىپ قىلىدۇ. ئۇ تۈرلەرنى يېتىشتۈرۈش ئۇسۇللىرىنىڭ بىرى. فىزىكىلىق ئامىللاردىن χ، γ، α، β نۇرلىرى ۋە تېز نېيترون قاتارلىق ھەر خىل ئىئونلىنىش رادىئاتسىيىسى ھەمدە ئۇلترا بىنەپشە نۇر قاتارلىق غەيرىي ئىئونلىنىش رادىئاتسىيىلىرى ئومۇميۈزلۈك قوللىنىلىدۇ. يېقىندىن بۇيان يەنە لازېر نۇرلۇق ئىندۇكسىيىلەش تېخنىكىسى تەرەققىي قىلدى. خىمىيىلىك ئامىللار كۆپىنچە ئالكانلاشتۇرغۇچىلار، ئىشقار رادىكاللىرى تۈرىدىكى ماددىلار، ئانتىبىئوتىكلار قاتارلىق ئىندۇكسىيىلىگۈچىلەردىن ئىبارەت.