ئەخلاقىي قېلىپ

پسىخولوگىيە 道德规范 dào dé guī fàn مۇئەييەن جەمئىيەت تەرىپىدىن ئوتتۇرىغا قويۇلۇپ، كىشىلەر ئەمەل قىلىشقا تېگىشلىك بولغان ھەرىكەت مىزانىدىن ئىبارەت. ئۇ تۈرلۈك شەكىلدىكى تەربىيە ۋە جامائەتچىلىك (جامائەت پىكرى) كۈچى ئارقىلىق كىشىلەردە تەدرىجىي ھالدا مەلۇم ئىشەنچ، ئادەت ۋە ئەنئەنىلەرنى شەكىللەندۈرۈپ، شۇنىڭ بىلەن كىشىلەرنىڭ ھەرىكىتىنى چەكلەيدۇ، شەخسى بىلەن جەمئىيەتنىڭ ۋە كىشىلەرنىڭ ئۆزلىرى ئارىسىدىكى مۇناسىۋەتنى تەڭشەيدۇ. ھەر قانداق ئەخلاقىي قېلىپ تارىخىيلىققا، سىنىپىي جەمئىيەتتە بولسا سىنىپىيلىققا ئىگە. مەڭگۈ ئۆزگەرمەيدىغان، ھەممىلا دەۋرگە باب كېلىدىغان، ھەممىلا سىنىپنىڭ ياخشى - يامان، ئادالەت - ئادالەتسىزلىك، شەرەپ - نۇمۇس قاتارلىقلىرىغا باب كېلىدىغان ئەخلاقىي قېلىپ يوق.