ئەمگەك ۋاستىلىرى

劳动资料 láo dòng zī liào كىشىلەرنىڭ ئەمگەك ئوبيېكتىنى ئۆزگەرتىش ۋە ئۇنىڭغا تەسىر كۆرسىتىشدىكى ھەممە ماددىي ئەشيا ۋە ماددىي شارائىتلارنى كۆرسىتىدۇ. ئىشلەپچىقىرىش قورال - جابدۇقلىرى (ئەڭ مۇھىم ئامىل) ۋە ئەمگەك داۋامىدا ئەمگەك ئوبيېكتىدىن باشقا بارلىق زۆرۈر ماددىي شارائىت، مەسىلەن: ئىشلەپچىقىرىشقا كېرەكلىك بىنا، يول، كۆۋرۈك، قانال قاتارلىقلارنى ئۆز ئىچىگە ئالىدۇ. ئەمگەك ۋاسىتىلىرى ئەھۋالى ئىجتىمائىي ئىشلەپچىقىرىش كۈچلىرى تەرەققىيات سەۋىيىسىنىڭ مۇھىم بەلگىسى. ئىشلەپچىقىرىش قورال - جابدۇقلىرىنىڭ ياخشىلىنىشى، ئىشلەپچىقىرىش تېخنىكىسىنىڭ ئۆسۈپ بېرىشى ۋە ئىشلەپچىقىرىش ساھەسىنى كېڭىيىشىگە ئەگىشىپ، ئەمگەك ۋاسىتىلىرى تۈزۈلمىسى كۈنسېرى مۇرەككەپلىشىپ بارىدۇ، تۈرى كۈنسېرى كۆپىيىپ بارىدۇ.