ئېدىسۋول يىغىنى

دۇنيا تارىخى 埃斯伏尔会议 āi sī fú ěr huì yì نورۋېگىيىدە ئاساسىي قانۇن تۈزۈلگەن يىغىن. 1814 - يىلى 4 - ئاينىڭ 10 - كۈنىدىن 5 - ئاينىڭ 20 - كۈنىگىچە ئېدىسۋولدا چاقىرىلغان. يىغىنغا قاتناشقان كىشى 112 كىشى، ئۇ 47 ئەمەلدار، 37 دېھقان، 16 شەھەر - بازار ۋەكىلى، 12 دېڭىز - قۇرۇقلۇق ئارمىيە ۋەكىلىدىن تەركىپ تاپقان. يىغىن مەزگىلىدە تاشقى مۇناسىۋەت مەسىلىسىدە ۋەكىللەر ئىككى تەرەپكە بۆلۈنۈپ قالغان. كۆپ سانلىقلار - مۇستەقىللىك پارتىيىسى نورۋېگىيىنى پۈتۈنلەي مۇستەقىل قىلىشنى تەشەببۇس قىلغان. ئاز سانلىقلار - ئىتتىپاقىچىلار پارتىيىسى مەلۇم شەرت ئاستىدا شۋېتسىيە بىلەن ئىتتىپاق تۈزۈشنى تەشەببۇس قىلغان. ئادلېر بىلەن فالسېن ئاساسىي قانۇن لايىھىسىنى تەييارلىغان. يىغىندا ماقۇللانغان ئاساسىي قانۇندا نورۋېگىيە - پادىشاھلىق ئاساسىي قانۇنلۇق سىياسىي تۈزۈلمە ھۆكۈمرانلىقىدىكى <ئەركىن، مۇستەقىل ۋە ئايرىلماس پادىشاھلىق> دەپ جاكارلىغان. خرىستىئان فرېدېرىك نورۋېگىيىنىڭ نائىبى قىلىپ سايلانغان. نائىب ۋە يىغىن ۋەكىللىرى ئاساسىي قانۇنغا سادىقلىق بىلدۈرۈپ قەسەم بەرگەندىن كېيىن، يىغىن تارقالغان.