ئاۋاز پەردىسى

声带 shēngdài ئومۇرتقىلىق ھايۋانلارنىڭ ئاۋاز چىقىرىش ئورگىنىنىڭ ئاساسلىق بىر تەركىبىي قىسمى. ئۇ بىر جۈپ پۈرمىدىن ئىبارەت بولۇپ، كېكىرتەك بوشلۇقى يان دىۋارىنىڭ شىلىمشىق پەردىسىدىن شەكىللەنگەن، ئوڭ - سول سىممىترىك بولىدۇ. پۈرمە ئارىلىقىدىكى يوچۇق ئاۋاز يوچۇقى دېيىلىدۇ. ھايۋانلارنىڭ چىقىرىدىغان ئاۋازى ھاۋا ئېقىمىنىڭ كاناي ۋە ئۆپكىدىن ئۆتكەندىكى ئاۋاز پەردىسىنىڭ تەۋرىنىشىدىن كېلىپ چىقىدۇ. كېكىرتەكتىكى مۇسكۇللارنىڭ ھەرىكىتى ئاۋاز پەردىسىنى تارتىشتۇرۇپ (چىڭىتىپ) ياكى بوشاشتۇرۇپ ئاۋاز يوچۇقىنى چوڭايتىدۇ ياكى كىچىكلىتىدۇ، نەتىجىدە چىققان ئاۋازدا ئېگىز - پەس، كۈچلۈك - ئاجىزلىق پەرقى پەيدا بولىدۇ. ئەگەر كېكىرتەك مۇسكۇلى پالەچلىشىش، ئاۋاز پەردىسى ياللۇغلىنىش ياكى ئاۋاز پەردىسى سىممېترىك بولماسلىق قاتارلىق كېسەللىك ھالەتلىرى پەيدا بولسا، ئاۋازمۇ نورمالسىزلىشىدۇ. تېببىي,ئاناتومىيە 声带 shēng dàiDپوچتا - تېلېگراف 声膜 shēng mó