ئارنالدو

دۇنيا تارىخى 阿尔诺德 ā ěr nuò dé (تەخمىنەن مىلادى 1100 - 1155) ئىتالىيىلىك سىياسىئون. برېسسىيە (ئىتالىيىنىڭ شىمالىي قىسمىغا جايلاشقان) دە تۇغۇلغان. فرانسىيە پەيلاسوپى ئابېللاردنىڭ شاگىرتى. برېسسىيە خەلقىنى شەھەر خوجىسى (ئېپىسكوپ) غا قارشى تۇرۇشقا سەپەرۋەر قىلغاچقا، 1139-يىلى سۈرگۈن قىلىنغان. فرانسىيىگە قېچىپ بارغاندىن كېيىن ئابېللارد بىلەن بىرلىكتە موناخ بېرنارد (كلائىر ۋولف) قا قارشى تۇرغانلىقى ئۈچۈن، 1140-يىلى يەنە سۈرگۈن قىلىنغان. 1143-ياكى 1145-يىلى دۆلىتىگە قايتىپ كەلگەن. 1143-يىلى رىم سودىگەرلىرى، قول ھۈنەرۋەنلەر ۋە ئۇششاق رىتسارلار شەھەر ھاكىمىيىتنى تارتىۋېلىپ، جۇمھۇرىيەت قۇرغان. 1471-يىلى ئارنالدو جۇمھۇرىيەتنىڭ رەھبىرى بولغان. ئۇ پاپا بىلەن قىزىل تونلوۇق ئېپىسكوپنىڭ نەپسانىيەتچىلىكى ۋە ساختىپەزلىكىنى سۆكۈپ، پاپانىڭ دەھرىي ھوقۇقىنى ئەمەلدىن قالدۇرۇشنى، دىنىي جەمئىيەتنىڭ مال - مۈلكىنى مەھرۇم قىلىشنى، ئېپىسكوپلۇق تۈزۈمىنى بىكار قىلىشنى تەلەپ قىلغان. كېيىن پاپانىڭ زىيانكەشلىكىگە ئۇچراپ رىمدىن قېچىپ كەتكەن. 1155-يىلى توسكانادا ئىتالىيىگە بېسىپ كىرگەن مۇقەددەس رىم ئىمپېرىيىسىنىڭ ئىمپېراتورى فرىدرىخ Ⅰ (قىزىل ساقال) ئۇنى قولغا ئېلىپ، كېيىن پاپاغا ئۆتكۈزۈپ بەرگەن، پاپا ئۇنى ئۆلۈمگە ھۆكۈم قىلغان. رىم جۇمھۇرىيىتى شۇنىڭ بىلەن مەغلۇپ بولغان.