ئانتىگېن

بىئولوگىيە ئورگانىزمنى غىدىقلاپ ئانتىتېلا ياكى سەزگۈرلەشكەن لىمفا ھۈجەيرىسىنى ھاسىل قىلىدىغان ھەمدە بۇلار بىلەن تەن ئىچى ياكى سىرتىدا ئالاھىدە بىرىكىش رېئاكسىيىسىنى كەلتۈرۈپ چىقىرىدىغان ماددا. ئانتىتېلا ياكى سەزگۈرلەشكەن لىمفا ھۈجەيرىسىنى ھاسىل قىلىدىغان قابىلىيەت ئىممۇنوگېنلىق خۇسۇسىيەت، ئورگانىزم ھاسىل قىلغان ئانتىتېلا سەزگۈرلەشكەن ھۈجەيرە بىلەن بىرىكىش رېئاكسىيىسىنى ھاسىل قىلىش قابىلىيىتى رېئاكسىيە خۇسۇسىيەت ئىنكاسى دەپ ئاتىلىدۇ. غىدىقلىنىدىغان ئورگانىزمنىڭ تەركىبىگە نىسبەتەن ئېيتقاندا ئانتىگېن چوقۇم غەيرىي تۈزۈلۈشتىكى ماددا بولۇشى ھەمدە ئالاھىدە خىمىيىلىك رادىكاللاردىن تۈزۈلگەن چوڭ مولېكۇلىلىق ماددا بولۇشى كېرەك. مەسىلەن، غەيرىي تۈردىكى قان زەردابى، مىكرو ئورگانىزم قاتارلىق ئاقسىللىق ماددىلار ئىممۇنوگېنلىق خۇسۇسىيىتى ئالاھىدە كۈچلۈك بولغان ئانتىگېنلار. مولېكۇلىسى كىچىك ماددىلار مەسىلەن،دورا (پېنتىتسىللىن قاتارلىقلار)، مايلار ياكى پولى ساخارىدلاردا ئىممۇنوگېنلىق خۇسۇسىيەت بولمايدۇ، بەلكى خۇسۇسىيەت ئىنكاسى بولىدۇ. يەنى ئۇلار ئورگانىزمنى مۇستەقىل غىدىقلاپ ئانتىتېلا ياكى سەزگۈرلەشكەن لىمفا ھۈجەيرىسىنى ھاسىل قىلالمايدۇ. بىراق ئالاھىدە خۇسۇسىيەتلىك ئانتىتېلا ياكى سەزگۈرلەشكەن لىمفا ھۈجەيرىسى بىلەن بىرىكىدۇ. ئۇلار ئاقسىل توشۇغۇچى بىلەن بىرىككەندىن كېيىن ئاندىن ئىممۇنوگېنلىق خۇسۇسىيەتكە ئىگە بولىدۇ شۇڭا بۇ خىل كىچىك مولېكۇلىلىق ماددىلار يېرىم ئانتىگېن دەپ ئاتىلىدۇ. ئۇيغۇر تىلى ئۇنۋېرسال سۆزلۈكلەر ئىسىم روسچە<گرېكچە >بىئول< ئورگانىك ماددا. ئۇ ئادەم ياكى ھايۋانلارنىڭ قان سۇيۇقلۇقى ئىچىگە كىرگەندىن كېيىن قان زەردىبىدە ئانتىتېلنى ھاسىل قىلىدۇ، شۇنىڭدەك ئانتىتېل بىلەن خىمىيىۋى رېئاكسىيىگە كىرىشىدۇ. >تىب< ئورگانىزمدا ئىمۇنىتېتلىق رېئاكسىيە قوزغىيالايدىغان ماددىلارنىڭ ھەممىسى >ئانتىگېن< دېيىلىدۇ.