ئامىرانت ئاراللىرى

阿米兰特群岛 ā mǐ lán tè qún dǎo ھىندى ئوكياننىڭ غەربىگە، ماداگاسگار ئارىلىنىڭ شىمالىغا جايلاشقان، ئۇ 150 دىن ئوشۇق مارجان ئاراللىرىنى ئۆز ئىچىگە ئالىدۇ. بۇ ئاراللارنىڭ ئومۇمىي يەر كۆلىمى 83 كۋادرات كىلومېتر كېلىدۇ. بۇ ئاراللار ئېكۋاتور سىزىقىنىڭ سەل جەنۇبىي قىسمىغا جايلاشقانلىقتىن ئىقلىمى يىل بويى ئىسسىق بولىدۇ. بۇ ئاراللاردا ئولتۇراقلاشقان خەلقلەر كوكۇس پالمىسى ئۆستۈرۈش، بېلىقچىلىق، تاشپاقا تۇتۇش ئىشلىرى بىلەن شۇغۇللىنىدۇ. ئامىرانت ئاراللىرى 1502 - يىلى پورتۇگالىيىلىكلەر تەرىپىدىن تېپىلغان، بۇ ئاراللارنىڭ نامى — ياۋروپادىن ھىندىستانغا بېرىش يولىنى ئىزدەش ئۈچۈن پورتۇگالىيە تەرىپىدىن ئۇيۇشتۇرۇلغان ئېكسپىدىتسىيە باشلىقلىرىدىن بولغان ۋاسكوداگامانىڭ شەرىپىگە <ئادىمىرال ئاراللىرى> دەپ نام بېرىلگەن.