ئالۇڭسىدۇ

دۇنيا تارىخى 阿隆悉都 ā lóng xī dōu (تەخمىنەن مىلادى 1086 - 1167)، چىرىجىياخۇل دېگەن ئىسمىمۇ بار. بىرما پاگان سۇلالىسىنىڭ پادىشاھى (1112 - 1167). كىئانزىتتانىڭ قىز نەۋرىسى، ئۇنىڭ ئاتىسى مونلار پادىشاھىنىڭ پۇشتى. بالىلىق چېغىدىلا پادىشاھ بولغان. كىئانزىتتا ئۆلگەندىن كېيىن رەسمىي تەختكە چىققان. تەختتە ئولتۇرغان مەزگىلىدە توپىلاڭنى باستۇرۇپ، ئىسلاھات ئېلىپ بېرىپ، مىلىي ئىتتىپاقلىقنى كۈچەيتكەن؛ قانۇن تۈزدۈرۈپ، ئۆلچەمنى بىرلىككە كەلتۈرۈپ، ئىقتىساد ۋە مەدەنىيەت تەرەققىياتىنى ئىلگىرى سۈرگەن. بۇددا دىنىنى تەشەببۇس قىلىپ، بۇددا مۇنارلىرى ۋە ئىبادەتخانىلارنى كۆپلەپ سالدۇرغان، 1144-يىلى مەشھۇر تابىنيو بۇددا مۇنارىنى ياساتقان. تاشقى جەھەتتە قوشنا دۆلەتلەر بىلەن دوستانە مۇناسىۋەت ئورناتقان. 1115-يىلى (سۇڭ سۇلالىسى جىڭخېنىڭ 5-يىلى) جۇڭگوغا ئەلچى ئەۋەتىپ دوستلۇق ئورناتقان.