ئابى شنويۇكى

阿部信行 ā bù xìn háng (1875 - 1953) ياپونىيە باش ۋەزىرى (1939 - 1940)، قۇرۇقلۇق ئارمىيە گېنېرالى. قۇرۇقلۇق ئارمىيە ئۇنىۋېرسىتېتىنى پۈتتۈرگەن. 1923-يىلى كانتودا يەر تەۋرىگەندە ھەربىي ھالەت شتابىنىڭ باشلىقى بولغان. 1926-يىلى قۇرۇقلۇق ئارمىيە ۋازارىتى ھەربىي لازىمەتلىك ئىدارىسىنىڭ باشلىقى بولغان. 1928-يىلى قۇرۇقلۇق ئارمىيىسىنىڭ يانداش ئەمەلدارى بولغان. 1930-يىلى 4-شىتۇەننىڭ كوماندىرى بولغان؛ 1932-يىلى قۇرۇقلۇق ئارمىيە گېنېراللىقىغا ئۆستۈرۈلۈپ، ھەربىي كېڭەش ئەمەلدارى قىلىپ ئىشلىتىلگەن، 1936- يىلى زاپاس قىسىم قاتارىغا قويۇلغان، 1939 - يىلى كابىنېت تەشكىللەپ، ياۋروپا ئۇرۇشىغا ئارىلاشمايدىغانلىقىنى جاكارلاپ، ئارمىيىسىنىڭ قوللىشىدىن ئايرىلىپ قالغاچقا، 1940-يىلى 1-ئايدا ئىستېپا بەرگەن؛ 4-ئايدا ۋاڭ جىڭۋېي قورچاق ھاكىمىيىتىدە تۇرۇشلۇق پەۋقۇلئاددە تولۇق ھوقۇقلۇق باش ئەلچىلىككە تەيىنلەنگەن. 1941-يىلى 10-ئايدا مۇھىم ۋەزىرلەر يىغىنىدا كىتوساكى ئىتىسۇ بىلەن بىرلىكتە تودزىئو خىدەكىنى ئىچكى كابىنېت تەشكىللەشكە كۆرسەتكەن. 1942-يىلى تىسۇباسا سۇكې سىياسىي جەمئىيىتىنىڭ لېدىرى بولغان. 1944-يىلى چاۋشيەننىڭ باش ۋالىيىسى بولغان. ئۇرشتىن كېيىن ئۇرۇش جىنايەتچىسى دەپ ئاتالغان، كېيىن ئەيىبلەنمىگەن.