خەۋپلىك ئەھۋالدا دوست قوشنا قىسىمغا ياردەم بەرمەسلىك جىنايىتى

جىنايەت ۋە جازا بۇ - ھەربىيلەرنىڭ جەڭ مەيدانىدا خەۋپلىك ئەھۋالدا قالغان دوست - قوشنا قىسىمنىڭ ياردەم بېرىشنى تەلەپ قىلىۋاتقانلىقىنى بىلىپ ۋە ياردەم بېرەلەيدىغان تۇرۇپ ياردەم بەرمەي، دوست - قوشنا قىسىمنى ئېغىر زىيانغا ئۇچراتقان قىلمىشنى كۆرسىتىدۇ. 1. ئوبيېكتى - ئارمىيىمىزنىڭ ئۇرۇش قىلىش تۈپ مەنپەئىتى بولىدۇ. 2. ئوبيېكتىپ جەھەتتە جەڭ مەيدانىدا خەۋپلىك ئەھۋالدا قالغان دوست - قوشنا قىسىم يادەم بېرىشنى تەلەپ قىلغاندا ياردەم بېرەلەيدىغان تۇرۇپ ياردەم بەرمەي، دوست - قوشنا قىسىمنى ئېغىر زىيانغا ئۇچراتقان قىلمىش بولۇپ ئىپادىلىنىدۇ. 3. سۇبيېكتى - ئالاھىدە سۇبيېكت (ھەربىي قوماندانلىق قىلغۇچىلار) بولىدۇ. 4. سۇبيېكتىپ جەھەتتە قەستەنلىكتىن شەكىللىنىدۇ. 429 - ماددا جەڭ مەيدانىدا خەۋپلىك ئەھۋالدا قالغان دوست - قوشنا قىسىمنىڭ يادەم بېرىشنى تەلەپ قىلىۋاتقانلىقىنى بىلىپ تۇرۇپ ۋە ياردەم بېرەلەيدىغان تۇرۇپ ياردەم بەرمەي، دوست - قوشنا قىسىمنى ئېغىر زىيانغا ئۇچراتقان قوماندانلىق قىلغۇچىلارغا بەش يىلدىن تۆۋەن مۇددەتلىك قاماق جازاسى بېرىلىدۇ.