تىرىك بوياش

活体染色 huótǐrǎnsè تىرىك ھۈجەيرىلەنى تەتقىق قىلىشتىكى بىر خىل بوياش ئۇسۇلى. زەھەرسىز ياكى زەھىرى ئاز بوياقلار (تىرىك ماددا بوياقلىرىدىن مەسىلەن، جاناس يېشىلى ترىپان كۆكى، مېتىل كۆكى قاتارلىقلار) نى ھايۋانلارنىڭ توقۇلما ياكى ھۈجەيرىلەرگە كىرگۈزۈپ، تىرىك ھۈجەيرىلەرنىڭ تۈزۈلۈشى ۋە ئۇلارنىڭ پائالىيەتلىرىدىكى ئۆزگىرىش جەريانلىرى كۆرسىتىلىدۇ. تىرىك ماددا بوياقلىرى زەھەرسىز ياكى زەھەرلەش دەرىجىسى تۆۋەن بولغانلىقتىن، ھۈجەيرىلەرنىڭ ھاياتلىق پائالىيەتلىرىگە تەسىر قىلمايدۇ ياكى ئۇلارنى ئۆلتۈرۈپ قويمايدۇ. شۇ سەۋەبتىن ئۇلارنىڭ كۆزىتىلىش نەتىجىسى ئەمەلىيەتكە يېقىنراق بولۇپ، مۇقىملاشتۇرۇلغان ياپىلاق كەسمىلەرنى بوياش ئۇسۇلىدىن ئۈستۈن تۇرىدۇ. تەتقىقاتلاردا ئەگەر بىر قىسىم ھۈجەيرە ياكى توقۇلمىلار تىرىك ماددا بوياقلىرى بىلەن بىر تەرەپ قىلىنسا، تەن سىرتىدا تىرىك بوياش دېيىلىدۇ.