توقۇنۇش

ئۇيغۇر تىلى ئۇنۋېرسال سۆزلۈكلەر ئىسىم ئىككى تەرەپ بىر - بىرى بىلەن دۇقۇرۇشۇش، دۇچ كېلىپ بىر - بىرىگە ئۇرۇلۇش. ھەر كۈنى دېگۈدەك ئەسكەرلەر بىلەن ئوقۇغۇچىلار ئوتتۇرىسىدا كىچىك توقۇنۇشلار بولۇپ تۇردى. بىر - بىرىگە دۇچ كەلگەن قىسىملار، كۈچلەر ئوتتۇرىسىدىكى جەڭ. ئون مىنۇت، يېرىم سائەت داۋام قىلىدىغان قىسقا، ئەمما تۇيۇقسىز توقۇنۇشلار دۈشمەنگە ھېچ ئارام بەرمەيتتى. ئوتتۇرىدا بولغان تالاش - تارتىش، ئىختىلاپ. راخمان مۇدىر بىلەن مېنىڭ ئوتتۇرامدا توقۇنۇش ئەنە شۇنداق باشلاندى. كۆچمە. زىددىيەت، قارىمۇقارشىلىق. بۇ بىر قاتار ھەرىكەتلەر ئۇنىڭ كاللىسىدا كەسكىن ئىدىيىۋى توقۇنۇش بولۇۋاتقانلىقىنى دەلىللەپ تۇراتتى. <ئەد> ئەدەبىي ئەسەرلەردە تەسۋىرلەنگەن ھەر خىل پېرسۇناژلارنىڭ ئوتتۇرىسىدىكى زىددىيەت ۋە كۈرەشلەر. توقۇنۇش ئەدەبىي ئەسەرلەر سۇژىتىنى بارلىققا كەلتۈرۈش ۋە پېرسوناژلارنىڭ خاراكتېرىنى ئېچىپ كۆرسىتىشتىكى مۇھىم بىر ھالقا.