تەڭ ئورۇنلۇق گېن

بىئولوگىيە ئوخشاش مەمبەلىك خروموسومىدا ئوخشاش ئورۇننى ئىگىلەيدىغان ئوخشىمايدىغان ھالەتتىكى بىر جۈپ گېن ئۆز ئارا تەڭ ئورۇنلۇق گېن دەپ ئاتىلىدۇ. سان كېمەيتىپ بۆلۈنگەندە ئۇلار گامېتا ھۈجەيرىسىگە تەڭ بۆلۈنۈپ تەقسىملىنىدۇ. ئادەتتىكى ئەھۋالدا بىر گامېتىدا تەڭ ئورۇنلۇق گېندىن پەقەت بىرىلا (ئوخشاش مەنبەلىك كۆپ ھەسسىلىك تەنچە ۋە نورمالسىز سان كېمەيتىپ بۆلۈنۈشتىن سىرت) بولىدۇ، ئوخشاش ۋاقىتتا ئىككىسىنىڭ بولۇشى مۇمكىن ئەمەس. تەڭ ئورۇنلۇق گېن، گېنلارنىڭ توساتتىن ئۆزگىرىشىدىن ھاسىل بولىدۇ، بىر گېننىڭ ئەسلىدىكى ھالىتى ئۆزگىرىپ كەتسىمۇ، يەنىلا ئوخشاش بىر ئالامەتكە تەسىر قىلىدۇ، مەسىلەن، مېۋە چىۋىننىڭ ئۇزۇن قانات گېنى چالا قانات گېنىگە ئايلىنىدۇ، ئۇزۇن قانات بىلەن چالا قاناتتا تەڭ ئورۇنلۇق گېنلىرى پۈتۈنلەي قانىتىنىڭ چوڭ - كىچىكلىكىگە تەسىر قىلىدۇ.