唐底亚.托庇

دۇنيا تارىخى تانتىيا توپى (تەخمىنەن 1819 - 1859)، 1857-يىلىدىكى ھىندىستان مىللىي چوڭ قوزغىلىڭىنىڭ يولباشچىلىرىدىن بىرى. مالااتادىكى براخمان ئائىلىدىن كېلىپ چىققان، كېيىن نانا ساھىبىنىڭ ئائىلە باش باشقۇرغۇچىسى بولغان. چوڭ قوزغىلاڭ پارتلىغاندىن كېيىن، كانپۇردىكى ئارمىيە - خەلق قوزغىلىڭىغا قوماندانلىق قىلغان، باتۇر - جەڭگە ماھىرلىقى بىلەن داڭق چىقارغان. 1858-يىلى گۋالىئور قوزغىلاڭچى قوشۇنىدىكى 20 مىڭ ئادەمنى باشلاپ ئوتتۇرا ھىندسىتانغا يۆتكلىپ، پارتىزانلىق ئۇرۇشىنى قانات يايدۇرۇپ، ئەنگلىيە قوشۇنلىرىنى كەينى - كەينىدىن مەغلۇپ قىلغان ھەمدە بىر مەھەل نابادا دەرياسىنى كېسىپ ئۆتۈپ، جەنۇبىي ھىندىستانغا كىرگەن. ئەنگلىيە ئەسكەرلىرى قاتتىق قامال قىلىغانلىقى ۋە نۇرغۇن ئەسكەر بىلەن قوغلاپ زەربە بەرگەنلىكتىن، قوزغىلاڭچىلار قوشۇنى پىتىراپ كەتكەن. كېيىن خائىننىڭ ساتقىنلىق قىلىشى بىلەن ئەنگلىيە ئەسكەرلىرى تەرىپىدىن قولغا ئېلىنغان. 1859-يىل 4-ئاينىڭ 18-كۈنى باتۇرلارچە قۇربان بولغان.