سۇيۇلدۇرۇلغان ئازۇتنى يېڭى تىپتىكى ئاپتوموبىللارنىڭ يېقىلغۇسى قىلىشقا بولامدۇ؟

نېمە ئۈچۈن ئاپتوموبىل قالدۇق گازىنىڭ مۇھىتنى بۇلغايدىغانلىقى ھەممىمىزگە مەلۇم بولغان پاكىت. ئاپتوموبىللار سانىنىڭ كۆپىيىشىگە ئەگىشىپ، ئاتوموسفىرانىڭ بۇلغىنىشى بارغانسېرى ئېغىرلاشماقتا. شۇڭا، ئالىملار يېڭى تىپتىكى ئاپتوموبىل يېقىلغۇسى ئۈستىدە ئۈزلۈكسىز ئىزەنمەكتە. 1997 - يىلى، ئامېرىكىدا سۇيۇقلاندۇرۇلغان ئازۇتنى ھەرىكەتلەندۈرگۈچ كۈچ قىلىدىغان يېڭى تىپتىكى بىر خىل ئاپتوموبىل بارلىققا كەلدى. بۇ خىل ئاپتوموبىل يېقىلغۇ قىلىدىغان سۇيۇقلاندۇرۇلغان ئازۇت بىر ئىسسىقلىق ئالماشتۇرغۇچتىن كېلىدۇ، سۇيۇقلاندۇرۇلغان ئازۇتنىڭ تېمپېراتۇرىسى بەك تۆۋەن بولغاچقا سېلىشتۇرما تېمپېراتۇرىسى نىسبەتەن يوقىراراق بولغان ھاۋا سىرتتىن ئىسسىقلىق ئالماشتۇرغۇچقا كىرگەندە، سۇيۇقلاندۇرۇلغان ئازۇت دەرھال گازغا ئايلىنىدۇ. تېزلىكتە كېڭەيگەن گاز زور ئېنېرگىيىگە ئىگە بولۇپ، شامالدۇرغۇچنى ئايلاندۇرۇپ، ئاپتوموبىل ماتورىنى ھەرىكەتلەندۈرىدۇ. سۇيۇقلاندۇرۇلغان ئازوتنى يېقىلغۇ قىلىدىغان ئاپتوموبىل ئادەتتىكى ئاپتوموبىلغا قارىغاندا، نۇرغۇن ئەۋزەللىككە ئىگەن. بىرىنچى، سۇيۇقلاندۇرۇلغان ئازوتنى يېقىلغۇ قىلىدىغان ئاپتوموبىل مۇھىتنى بۇلغىمايدۇ، ئۇنىڭدىن چىقىدىغان بىردىنبىر كېرەكسىز گاز ئازوت بولۇپ، ئۇ، ئەسلىدىلا ئاتوموسفىرانىڭ 78 پىرسەنتىنى ئىگىلەيدۇ. شۇڭا، ئادەم بەدىنىگە زىيان يەتكۈزمەيدۇ. ئىككىنچى، سۇيۇقلاندۇرۇلغان ئازۇتنى ھەرىكەتلەندۈرگۈچ كۈچ قىلىدىغان ئاپتوموبىل قاتناش ۋەقەسىگە ئۇچرىغان تەقدىردىمۇ، ئادەتتىكى ئاپتوموبىللارغا ئوخشاش ئاسانلا پارتلاپ كەتمەيدۇ، چۈنكى سۇيۇقلاندۇرۇلغان ئازوت بېنزىنغا ئوخشاش ئاسان كۆيمەيدۇ ھەم ئاسان پارتىلىمايدۇ. ئۈچىنچى، سۇيۇقلاندۇرۇلغان ئازوتنى ياساش، ئېلىش، ساقلاش، توشۇش بەكمۇ تەس ئەمەس، ئاتمۇسفىرادا ئېلىپ تۈگەتكىلى بولمايدىغان ئازوت گازى بار بولۇپ، سۇيۇقلاندۇرۇلغان ئازوتنى ئىشلىتىپ بولغاندىن كېيىن يەنە ئازوت گازىغا ئايلىنىپ كېتىدۇ، شۇڭا، سۇيۇقلاندۇرۇلغان ئازوتنى مەڭگۈ تۈگىمەيدىغان ئېنېرگىيە مەنبەسى دېيىشكە بولىدۇ.