سېلىشتۇرۇش

پسىخولوگىيە بۇ كىشىلەرنىڭ ئىدىيىدە شەيئىلەر ئارىسىدىكى ئوخشاشلىق ۋە ئوخشىماسلىق مۇناسىۋىتىنى ئېنىقلاشتىكى تەپەككۈر جەريانى ۋە ئۇسۇلى. سېلىشتۇرۇش ئانالىز قىلىش ۋە سېنتزلاش بىلەن يېقىن باغلىنىشلىق، ئانالىز قىلىنمىسا، سېلىشۇرغىلى بولمايدۇ. دېمەك، ئانالىز قىلىش بىلەن سىنتېزلاش سېلىشتۇرۇشنىڭ ئاساسى. سېلىشتۇرۇش سېلىشتۇرۇلىدىغان ئوبيېكىتقا قاراپ ئىككى خىل بولىدۇ. بىرى، ئوخشاش شەيئىلەرنى سېلىشتۇرۇش. مۇنداق سېلىشتۇرۇش ئارقىلىق ئوبيېكىتنىڭ ماھىيەتلىك ۋە ماھىيەتلىك بولمىغان ئامىللىرى ئايرىۋېلىنىدۇ. بۇ ئۇقۇمنى شەكىللەندۈرۈشكە ياردەم بېرىدۇ. يەنە بىر خىل سېلىشتۇرۇشتا ئوخشاش بولمىغان مۇناسىۋەتلىك شەيئىلەر سېلىشتۇرۇلىدۇ. مۇنداق سېلىشتۇرۇش كىشىنىڭ شەيئىلەر ئارىسىدىكى ئوخشاشلىق ۋە ئوخشىماسلىق بىلەن بولغان مۇناسىۋەتلىرىنى ئېنىق بىلىۋېلىشىغا، بىلىملەر ئارىسىدىكى بۆلۈنۈپ كېتىش ياكى ئارىلىشىپ كېتىشنىڭ ئالدىنى ئېلىشىغا ياردەم بېرىدۇ. سېلىشتۇرۇش مۇھىم تەپەككۈر جەريانى، ئۇ كىشىلەرنىڭ رېئاللىقنى بىلىشىدە مۇھىم رول ئوينايدۇ.