سېيېس

دۇنيا تارىخى 西哀士 xī āi shì (1748 - 1836) فرانسىيىلىك سىياسىي پائالىيەتچى. پروۋانىس ئۆلكىسىدىكى بىر ئوتتۇرا مۈلۈكدار ئائىلىسىدە تۇغۇلغان. ئۆسمۈرلۈك دەۋرىدە دىنىي تەربىيە ئېلىپ، دىنىي ۋەزىپە ئۆتىگەن. 1787 - يىلى چارترنىڭ مۇئاۋىن ئېپىسكوپى بولغان. 1789 -يىلنىڭ بېشىدا <ئۈچىنچى تەبىقە دېگەن نىمە؟>نى يېزىپ، بۇرژۇئازىيەنىڭ تەبىقە ئىمتىيازىنى بىكار قىلىشنى تەلەپ قىلىش ۋە ھاكىمىيەتنى قولغا كەلتۈرۈشتىن ئىبارەت كۈچلۈك ئارزۇسىنى ئەكس ئەتتۈرگەن. شۇ يىلى 5 - ئايدا پارىژدىكى ئۈچىنچى تەبىقە ۋەكىل بولۇپ، ئۈچ دەرىجىلىكلەر يىغىنىغا قاتناشقان. 6 - ئاينىڭ 20 - كۈنى <چويلا توپ مەيدانى قەسىمى>نى تۈزۈپ چىققان. ئىنقىلابنىڭ دەسلەپكى مەزگىلىدە كۆپلىگەن ئىسلاھات لايىھىلىرىنى ئوتتۇرغا قويغان بولسىمۇ، لېكىن كۆپىنچىسى قوبۇل قىلىنمىغان، 1792 - يىلى 9 - ئايدا مىللىي ئۇيۇشمىغا سايلىنىپ، كورۇلنى ئۆلۈمگە ھۆكۈم قىلىشقا قوشۇلۇپ ئاۋاز بەرگەن، لېكىن كەسكىن پارتىيە - گۇرۇھ توقۇنىشىدا سۈكۈت قىلىش پوزىتسىيىسىدە بولغان. 1794 - يىلى تومۇز ئاي سىياسىي ئۆزگىرىشىدىن تەيىنلىنىپ، دىپلوماتىيە ئىشلىرىغا مەسئۇل قىلىنغان؛ ئارقىدىن بېرلىندا تۇرۇشلۇق ئەلچىلىككە تەيىنلەنگەن. 1799 - يىلى 5 - ئايدا تەپتىش ھۆكۈمىتىنىڭ تەپتىشلىكىگە تەيىنلىنىپ، ناپولېئون بىلەن بىللە تۇمانلىق ئاي سىياسىي ئۆزگىرىشىنى پىلانلىغاندىن كېيىن، ئىجرائىي ھۆكۈمەتنىڭ ۋاقىتلىق ئىككىنچى ئىجراچىسى بولغان. تەييارلاپ چىققان 1799 - يىلدىكى ئاساسىي قانۇنغا ناپولېئون زور تۈزىتىشلەرنى كىرگۈزگەن؛ كېيىن ئىجرائىي ھۆكۈمەتتىن چىقىرىلىپ، سېناتنىڭ باشلىقى بولغان. 1808 - يىلى ئىمپېرىيە كومتې دەپ بەلگىلەنگەن. 1815 - يىلى بوربون سۇلالىسى تىرىلگەندىن كېيىن، بېلگىيىگە قېچىپ كەتكەن. 1830 - يىلى ئىيۇل ئىنقىلابىدىن كېيىن، ۋەتىنىگە قايتىپ كەلگەندىن كېيىن ئاقسۆڭەكلىك مەرتىۋە بېرىلگەن.