舒曼计划

دۇنيا تارىخى شۇمان پىلانى يەنى <ياۋروپا كۆمۈر - پولاتنى بىرلىكتە باشقۇرۇش> پىلانى. 1950 - يىلى 5 - ئايدا، فرانسىيە تاشقى ئىشلار مىنىستىرى شومان فرانسيە بىلەن فىدىراتىپ گېرمانىيەنىڭ كۆمۈر - پولات ئىشلەپچىقىرىشىنى <دۆلەتتىن تاشقىرى> بىر ئاپپاراتنىڭ رەھبەرلىكى ئاستىغا قويۇشنى تەكلىپ قىلغان. 1951 - يىلى 4 - ئايدا، فرانسيە، فېدېراتىپ گېرمانىيە، ئىتالىيە، گوللاندىيە، بېلگىيە، ليوكسىمبۇرگتىن ئىبارەت ئالتە دۆلەت مۇشۇ پىلانغا ئاساسەن، پارىژدا مۇددىتى 50 يىللىق <پاۋروپا كۆمۈر - پولاتنى بىرلىكتە باشقۇرۇش شەرتنامىسى>نى ئىمزالاپ، ئالتە دۆلەت دائىرىسىدە كۆمۈر - پولات چېگرا بېجىنى ۋە ئىمپورت چەكلىمىسىنى پەيدىنپەي ئەمەلدىن قالدۇرۇپ، كۆمۈر - پولات ئورتاق بازىرى قۇرۇش قاتارلىقلارنى بەلگىلىگەن. بۇ شەرتنامە ئىككىنچى يىلى 7 - ئايدا كۈچكە ئىگە بولغان، 8 - ئايدا بىرلىكتە باشقۇرۇشنىڭ <دۆلەتتىن تاشقىرى> ئالىي ئاپپاراتى قۇرۇلغان. 1967 - يىلى 7 - ئايدا ياۋرۇپا كۆمۈر - پولات بىرلەشمىسى، ياۋرۇپا ئاتوم ئىنىرگىيىسى بىرلەشمىسى ۋە ياۋرۇپا ئىقتىسادىي ئورتاق گەۋدىسىنىڭ ئىجرائىيە ئورگىنى قوشۇلۇپ،بىر ئىجرائىيە ئورگىنىغا ئايلاندۇرۇلغان.