سازاڭسىمان ھايۋانلار

蠕形动物 rúxíngdòngwù كارىل. لىننې مەزگىلىدە ئومۇرتقىسىز ھايۋانلار ھاشاراتلار سىنىپى ۋە لۆمۈلدىگۈچى قۇرتلار سىنىپى دەپ ئىككىگە بۆلۈنگەن بولۇپ، نۇرغۇنلىغان پەقەتلا ئوخشاشمايدىغان ھايۋانلار سازاڭسىمان ھايۋانلار قاتارىغا قوشۇۋېتىلگەن. يېقىنقى دەۋردىكى سازاڭسىمان ھايۋانلار ئۇقۇمىدىنمۇ ئومۇميۈزلۈك ھەم روشەن چۈشەنچىنى تېپىش تەس. ئادەتتە لۆمۈلدىگۈچى قۇرتنىڭ تېنى ئۇزۇنچاق، ئوڭ - سولى سىممېترىك، يۇمشاق، تەن دىۋارىنىڭ مۇسكۇللىرى تەرەققىي قىلغان، سۆڭەكسىز بولۇپ كۆپىنچىسىنىڭ قوشۇمچە پۇتلىرى بولمايدۇ. بەدىنىنىڭ لۆمۈلدەپ ھەرىكەتلىنىشى ئارقىلىق سىلجىيدۇ دەپ قارىلىدۇ. سۇ ۋە نەم ئورۇنلاردا ياشاپ، ئەركىن ھايات كەچۈرىدۇ ياكى پارازىتلىنىدۇ. ياپىلاق تەنلىك ھايۋانلار، توپچىسىمان ھايۋانلار، يىپسىمان ھايۋانلار، چاقسىمان قۇرتلار (تروخېلمىنتېس) ۋە بوغۇم تەنلىك ھايۋانلار قاتارلىقلارنى ئۆز ئىچىگە ئالىدۇ.

蚓状动物 yǐn zhuàng dòng wù