سايراش نەيچىسى

بىئولوگىيە قۇشلارنىڭ ئاۋاز چىقىرىش ئورگىنى. ئۇ كاناي بىلەن كانايچىنىڭ چېگرىسىغا جايلاشقان. شۇ جايدىكى كاناي ھالقىسى ئالاھىدىلىشىپ <سايراش سۆڭىكى> گە ئايلانغان بولۇپ، نەيچە دىۋارىدىكى نېپىز پەردە <سايراش پەردىسى> نى شەكىللەندۈرگەن. كانايدىن ھاۋا ئۆتكەندە، سايراش پەردىسى تىترەپ ھەر خىل سايرىغان ئاۋازلارنى چىقىرىدۇ. بەزى قۇشلارنىڭ كانىيىنىڭ ئىككى يېنىدا يەنە <سايراش مۇسكۇلى> بولۇپ، سايراش پەردىسىنىڭ جىددىيلىشىش دەرىجىسىنى تەڭشەش ئارقىلىق سايراش ئاۋازىنى ئۆزگەرتەلەيدۇ. سايرىغۇچى قۇشلارنىڭ قۇشقاچسىمانلار ئەترىتىدىكى قۇشلارنىڭ مۇرەككەپ سايراش مۇسكۇلى ھەم سايراش نەيچىسى بولۇپ، ھەر خىل يېقىملىق ئاھاڭ ۋە ئاۋازلارنى چىقىرالايدۇ.