رەيھان

كلاسسىك ئەدەبىيات سۆزلۈكلىرى ئەرەبچە ئېسىل پۇراقلىق بىر خىل ئوت، گۈل. شىنجاڭنىڭ ئۆسۈملۈكلىرى بۇ كالپۇكسىمان گۈللۈكلەر ئائىلىسىدىكى بىر يىللىق سامان غوللۇق، تىكەن رەيھانغا ئۇرۇقداش ئۆسۈملۈك بولۇپ، يوپۇرمىقى تۇخۇم شەكلىدە، سەل - پەل سۆسۈن كېلىدۇ؛ گۈلى ئاق ياكى قوڭۇر ئارىلاش ئاق كېلىدۇ. غول ۋە يوپۇرماقلىرى خۇشبۇي كېلىدۇ. دورىغا بۇ ئۆسۈملۈكنىڭ پۈتۈن چۆپى ۋە ئۇرۇقى ئىشلىتىلىدۇ. بۇ ئۆسۈملۈكنى ياز پەسلىدە يىغىۋېلىپ، ئاپتاپتا قۇرۇتۇپ ئۇرۇقىنى ئايرىپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ. شىنجاڭ ئۇيغۇر ئاپتونوم رايونىنىڭ ھەرقايسى جايلىرىدا ئۆسىدۇ. ھۆل ئىسسىق. توسالغۇلارنى ئېچىش، قويۇق يەللەرنى يوقىتىش، قاننىڭ قويۇقلۇقىنى تەڭشەش، سۈيدۈكنى راۋانلاشتۇرۇش، يۈرەكنى قۇۋۋەتلەش، يۇمشىتىش، چىرىشكە قارشى تۇرۇش، كۆڭۈلگە خۇشلۇق كەلتۈرۈش خۇسۇسىيىتىگە ئىگە. ئەھۋالغا قاراپ 5 ~ 7 گرام ئەتراپىدا ئىشلىتىلىدۇ. ھۆل رەيھاننى پۇراپ بەرسە، كۆڭۈل ئېلىشىشنى يوقىتىدۇ. ھۆل رەيھان يوپۇرمىقىدىن مۇۋاپىق مىقداردا ئېلىپ، سىقىپ سۈيىنى چىقىرىپ، قۇلاققا تېمىتىپ بەرسە، قۇلاق ئاغرىقىنى توختىتىدۇ. رەيھان يوپۇرمىقىنىڭ سىقىپ چىقىرىلغان سۈيىنى يەرلىك ئورۇنغا سۈركەپ بەرسە، ھەرخىل ئىششىقلارنى ياندۇرىدۇ. مۇۋاپىق مىقداردىكى رەيھان يوپۇرمىقىنى سىقىپ سۈيىنى چىقىرىپ قاينىتىپ ئىچىپ بەرسە، چوڭ تەرەت، سۈيدۈك ۋە ھەيزنى راۋانلاشتۇرۇپ، ئاشقازان ۋە يۈرەكنى قۇۋۋەتلەيدۇ. ئۇيغۇر تىلى ئۇنۋېرسال سۆزلۈكلەر ئىسىم ئەرەبچە <بوت> كالپۇكسىمان گۈللۈكلەر ئائىلىسىدىكى بىر يىللىق، سامان غوللۇق ئۆسۈملۈك. گۈلى ئاق ياكى قوڭۇر ئارىلاش ئاق كېلىدۇ. غول ۋە يوپۇرماقلىرى خۇغبۇي بولۇپ، پۇراقلىق ماتېرىياللار ئىشلىنىدۇ، ئۇنىڭدىن يەنە سودا تەييارلاشقىمۇ بولىدۇ. ئاياللارنىڭ ئىسمى.

قىز - ئاياللارغا خاس ئىسىم ئەرەبچە رەيھانگۈل، رەيھانەم، رەيىخان بىر خىل گۈل ئىسمى (بۇ يەردە رەيھان گۈلىدەك) خۇشپۇراق دېگەن مەنە ئىپادىلىنىدۇ

رەيھان[سۆز تۈركۈمى:] ئىسىم.[تىل تەۋەلىكى:]］ئەرەبچە［[يەشمىسى:] ① [كەسىپ تۈرى:]＞بوتانىكا＜[يەشمىسى:] كالپۇكسىمان گۈللۈكلەر ئائىلىسىدىكى بىر يىللىق، سامان غوللۇق ئۆسۈملۈك. گۈلى ئاق ياكى قوڭۇر ئارىلاش ئاق كېلىدۇ. غول ۋە يوپۇرماقلىرى خۇشبۇي بولۇپ، پۇراقلىق ماتېرىياللار ئىشلىنىدۇ، ئۇنىڭدىن يەنە سودا تەييارلاشقىمۇ بولىدۇ. [يەشمىسى:] ② ئاياللارنىڭ ئىسمى.